© AFP 2021 / NATALIA KOLESNIKOVA
Túrkiiada 56 jastaǵy Mýzaffer Kaiasan bir jyldan astam ýaqyttan beri karantinnen shyǵa almai otyr, onyń koronavirýstyń bar-joǵyn anyqtaýǵa tapsyrǵan testiniń bári oń nátije kórsetken, dep habarlaidy Sputnik Qazaqstan agenttigi NTV portalyna silteme jasap.
Er adam Ystanbulda turady, leikemiiamen aýyrady. Ol 2020 jyldyń qarashasynda koronavirýs juqtyrǵan, sodan beri 78 PTR testin tapsyrǵan. Alaida eshqaisy teris nátije kórsetpegen.
Dárigerler muny jilik maiyn aýystyrǵannan keiin immýndyq júieniń álsireýimen bailanystyrdy. Oǵan operatsiia eki jyl buryn jasalǵan.
"Ǵalymdar men dárigerlerden suraǵanda, olar leikemiiaǵa bailanysty meniń immýndyq júiem álsiz ekenin aitady. Olar meniń keiingi on tórt aida ózderi jazyp bergen dári-dármekti iship júrgenimniń durys ekenin aitty", - dedi ol telearnaǵa bergen suhbatynda.
Saqtyq sharalaryna bailanysty ol jaqyndarymen kezdespeidi, únemi úiinde jalǵyz bolady.
"Meniń áleýmettik ómirim aiaqtaldy", - dep shaǵymdandy ol.
Dárigerler leikemiia birinshi kezekte immýnitettiń buzylýymen bailanysty aýyr dert ekenin aitty. Olar bul aýrýǵa qandai da bir virýstyń bastamashy bolýy múmkin ekenin de joqqa shyǵarmaidy. Sondai-aq ol koronavirýspen de árekettesýi múmkin.
