YouTube Premium qyzmeti endi Qazaqstanda qoljetimdi. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Telegram-daǵy paraqshasynda habarlady.
Ministr ótken jyldyń naýryz aiynda Kremnii alqabyna jumys sapary barysynda men Youtube ónimderin basqarý jónindegi vitse-prezident Adam Smitpen kezdesip, servistiń Qazaqstanda iske qosylýyn talqylaǵanyn atap ótti. Al búgin qazaqstandyqtarǵa sonyń nátijesin bólisti.
«Qoldanýshylar men kontent jasaityndarǵa jańa múmkindikter ashatyn YouTube Premium endi Qazaqstanda. Bul oqiǵa eldiń tsifrlyq infraqurylymyn damytý men ony jahandyq jelige biriktirýde jasaǵan eleýli qadam. Basqa qyzmettermen qatar YouTube Premium-di qoldaný beine men mýzykalyq mazmunǵa jarnamasyz sheksiz qol jetimdilikti, beine materialdardy oflain rejimde kórý úshin ony júkteý múmkindigin jáne basqa qosymshalardy qatar qoldaný kezinde ony fondyq rejimde de tyńdaý múmkindigin qamtamasyz etedi. Sonymen qatar qazir tsifrlyq ekonomikany damytý men Qazaqstandaǵy jergilikti kontent-jasaýshylardy qoldaý múmkindikteri kún tártibinde ekenin atap ótkim keledi», - dep jazdy ministr. ⠀
