Iemende ár on minýt saiyn ashtyqtan nemese sapasyz meditsinalyq kómek saldarynan bes jasqa deiingi búldirshinderdiń bireýi kóz jumady.
BUU deregi boiynsha, qazirgi tańda 21 million iemendik, iaǵni halyqtyń 82 paiyzy shuǵyl gýmanitarlyq kómekke muqtaj. Onyń úshten bir bóligi ashtyqtyń aýyr zardabyn tartýda. Eldegi qiian-keski urystar halyqaralyq gýmanitarlyq kómekti jetkizýge kedergi keltirýde.
Eske sala ketsek, Iemende osymen úshinshi jyl qatarynan azamattyq soǵys júrip jatyr. Osy ýaqyt ishinde 10 myńnan astam adam qaza tapsa, sonyń jartysy - áielder men balalar. Eldegi osyndai qiyn jaǵdaidy kóptegen terroristik uiymdar paidalanyp qalýda.
«Qazir jarty million bala ashtyqtan zardap shegýde. Tipti ashtyqtan kóz jumyp jatyr. Olardyń sany kún sanap artýda. Men tek eldegi bir aýdandy aityp jatqan joqpyn, bul jaǵdai Iemenniń soltústiginde, ońtústiginde, shyǵysy menen batysynda da oryn alýda», - deidi «Bosqyndar isi jónindegi Norvegiia keńesi» úkimettik emes uiymynyń direktory Ian Egelann.
