Túrkistan oblysynyń ákimi Janseiit Túimebaev belgili kinorejisser, Qazaqstannyń eńbek sińirgen qairatkeri Sergei Ázimov pen filosofiia ǵylymdarynyń doktory, professor Jaqypbek Áltaevpen jolyqty.
Basqosýda qonaqtar Túrkistannyń tarihi mańyzdylyǵy men róli jaiynda sóz órbitti. Oblys basshysy Janseiit Qanseiituly Túrkistandy túletýge baǵyttalǵan oi-pikir, jobalardy birlesip iske asyrý qajettigin aitty.
Kezdesýde rejisser Sergei Ázimov qazirgi tańda Otyrar aýdanynda ǵulama ǵalym Ál-Farabi haqynda derekti film túsirip jatqandyǵyn jetkizip, aldaǵy ýaqytta Túrkistan qalasy men Iasaýi jaiynda týyndylar jasaýǵa nietti ekendigin bildirdi.
«Iasaýi babamyzdyń balalyq shaǵynan bastalyp, tulǵa retinde qalyptasýy jáne sol kezdegi Iassy óńiri jaily tarihi týyndy túsirýdi josparlap otyrmyz. Bul filmde ǵulamanyń qalyptastyrǵan ilimi, mektebi, shyǵarmalary qamtylatyn bolady. Sondai-aq, osy kúngi Túrkistanmen bailanystyryp, kúlli túrkiniń ordasyna ainalǵan Turannyń beinesi kórsetilmek», - dedi Sergei Jumabaiuly.
