Foto: uiymdastyrýshylardan
2024 jylǵy 24-30 qarasha aralyǵynda Almaty qalasynda XVII «Eýraziia» halyqaralyq kinofestivali ótedi.
«Eýraziia» – Qazaqstandaǵy eń iri kinoforým jáne halyqaralyq kinoprodiýserler qaýymdastyqtary Federatsiiasy (FIAPF) akkredittegen Ortalyq Aziiadaǵy birden-bir kinofestival. Festivaldiń turaqty quryltaishysy ári uiymdastyrýshysy QR Mádeniet jáne aqparat ministrligi.
Kinofestivaldi uiymdastyrý Sháken Aimanov atyndaǵy «Qazaqfilm» ulttyq kinostýdiiasyna tapsyryldy. Munyń ózindik sebebi de bar. Osy jyly kinostýdiia birneshe mańyzdy mereitoidy atap ótýde. Birinshiden, kinostýdiianyń 90 jyldyǵy. Ekinshiden, qazaq kinosynyń maitalmany - Sháken Aimanovtyń týǵanyna 110 jyl jáne «Qazaqfilm» kinostýdiiasyna onyń esimi berilgenine 40 jyl toldy. Aldaǵy festivalde osy aitýly datalarǵa erekshe mán berilmek.
Búginde «Eýraziia» kinofestivali - Ortalyq Aziia óńirindegi eń mańyzdy mádeni sharalardyń birine ainaldy. 1998 jyly festival qurylǵan sátten bastap «Eýraziia» dástúrinde ósken qazaqstandyq kinematografisterdiń tutas býyny qalyptasty. Olardy «Eýraziia urpaǵy» dep ataýǵa bolady.
Uiymdastyrýshylardyń aitýynsha, biyl kinofestival aiasynda Halyqaralyq baiqaý ótedi, munda Eýropa men Aziia elderiniń tolyqmetrajdy filmderi, sondai-aq Ortalyq Aziia men Túrki álemi elderiniń filmderi usynylady. «Eýraziia» iskerlik alańy da kóptegen jańalyqtarǵa toly bolmaq. «Turan» ýniversiteti men T.Júrgenov atyndaǵy Qazaq ulttyq óner akademiiasynda túrli sheberlik sabaqtary men dóńgelek ústelder uiymdastyrylady. Kinematografister PROKK (kinematografisterdiń kásibi klýby) aiasynda ózara tájiribe almasady.
XVII «Eýraziia» halyqaralyq kinofestivaliniń saltanatty ashylý rásimi 24 qarashada qalanyń eń sándi oryndarynyń biri - Almaty Theatre ótedi.
Sondai-aq, ár jyldary festivaldiń qurmetti qonaqtary qatarynda Katrin Denev, Kevin Kostner, Izabel Adjani, Per Rishar, Sofi Marso, Djeremi Airons, Ornella Mýti, Stiven Sigal, Sigýrni Ýiver, Jerar Deparde jáne basqa da kóptegen álemdik kino juldyzdary bolǵanyn atap ótken jón.
