Áleýmettik jelide Neftekýmsk qalasyndaǵy basseinderdiń birinde oryn alǵan keleńsiz jaǵdai týraly aqparat tarady, dep habarlaidy ult.kz.
Jeli qoldanýshysynyń aitýynsha, ol 3 jasar qyzyn basseindegi jattyǵýyna ertip kelip, kútip otyrǵan jerinen mekeme qyzmetkerleri ony syrtqa shyǵarýǵa tyrysqan. Buǵan onyń hidjab kigeni sebep bolǵan kórinedi.
Jábirlenýshiniń sózinshe, oǵan bassein ákimshiligi men medbike tarapynan qysym kórsetilip, balaǵat sózder aitylǵan. Ol óziniń sýǵa túspeitinin, tek balasyn kútip otyrǵanyn aitsa da, mekeme qyzmetkerleri «sheshinbeseń, budan bylai kirgizbeimiz» dep talap qoiǵan. Qazirgi ýaqytta bul oqiǵa jelide qyzý talqylanyp jatyr.
