Qazaqstanda jumys ornyndaǵy harassment pen jynystyq sipattaǵy qysymǵa qarsy zańnamalyq normalar engizý josparlanyp otyr. Tiisti zań jobasyn Eńbek jáne halyqty áleýmettik qorǵaý ministrligi ázirledi, dep habarlaidy ult.kz.
Bul týraly vedomstvo basshysy Asqarbek Ertaev Úkimettegi brifing barysynda málimdedi.
Ministrdiń aitýynsha, túzetýler Halyqaralyq eńbek uiymynyń usynymdary negizinde daiyndalǵan. Qujatta harassment pen jynystyq sipattaǵy qysym uǵymdary naqty aiqyndalyp, mundai jaǵdailar anyqtalǵan kezde jumys berýshilerdiń jaýapkershiligi qarastyrylǵan.
Qazirgi ýaqytta zań jobasy biznes qaýymdastyq ókilderimen talqylaný ústinde. Ony biyl kúzde Parlament qaraýyna engizý josparlanyp otyr.
Birikken Ulttar Uiymynyń 2022 jylǵy derekterine sáikes, álemdegi qyzmetkerlerdiń shamamen 23 paiyzy jumys ornynda zorlyq-zombylyqqa nemese jynystyq sipattaǵy qysymǵa ushyraidy. Alaida halyqaralyq uiym bul kórsetkish naqty jaǵdaidy tolyq qamtymaitynyn, sebebi kóptegen azamattardyń mundai oqiǵalar týraly habarlaýǵa batyly jetpeitinin atap ótken.
Eske salaiyq, buǵan deiin Qazaqstanda «harassment» uǵymyn zańnamalyq deńgeide bekitý máselesi kóterilgen bolatyn.
