World Street Journal aqparaty boiynsha, Ózbekstannyń alǵashqy prezidenti Islam Kárimovtiń úlken qyzy Gúlnár Kárimovany shveitsariialyq prokýrorlar jemqorlyq qylmysyna qatysty tergedi. Basylym málimetine qaraǵanda, kezdesý Tashkent qalasynda ótken, al Gúlnár qazir úi qamaýynda otyr.
Kárimovanyń qorǵaýshysy bolyp taǵaiyndalǵan shveitsariialyq advokat Gregýar Manjeanyń habarlaýynsha, prokýrorlor Gúlnármen eki márte: ótken jyly 9 jáne 10 jeltoqsanda kezdesken. Zańgerdiń sózinshe, Kárimovanyń "jaǵdaiy jaqsy bolǵanymen, onyń qaýipsizdigene eshkim kepil bere almaidy". Oǵan "syrtqy álemmen bailanys ornatýǵa, tipti balalarymen kezdesýge tyiym salynǵan", - deidi ol.
Shveitsariia prokýratýrasy qyzmetkerleriniń Ózbekstanǵa barǵanyn rastady.
Gúlnár Kárimova kópshilik aldyna 2014 jyldan beri shyqpaityn bolǵan. Ol ákesiniń jerleý rásimine de qatysqan joq. Habarlarǵa qaraǵanda, ony úi qamaýyna aýystyrǵan. Sol jyly Shveitsariia biligi jemqorlyqqa qatysty qylmystyq is qozǵady.
Ózbekstanda tiimdi kelisimge qol jetkizý úshin sheteldik kompaniialar Kárimovaǵa para bergen degen boljam bar. Shveitsariia biligi onyń esebindegi 650 million evrony qulyptap tastady.
