Foto: uiymdastyrýshylardan
Respýblikalyq kásibi sheberlik WorldSkills Kazakhstan chempionaty aiaqtaldy, oǵan elimizdiń túkpir-túkpirinen 550-den astam kolledj stýdentteri qatysty. Úsh kún boiy jas mamandar "úzdik" ataǵyn ielenú úshin kúresti.
Bul shara Prezidenttiń jariialaǵan «Jumysshy mamandyqtary jyly» aiasynda erekshe mańyzǵa ie. Premer-Ministr Oljas Bektenov chempionattyń finalisterimen kezdesip, olardyń alǵan bilimderiniń mańyzdy ekenin airyqsha atap ótti. Ol tsifrlyq transformatsiia men tehnologiialyq progresstegi ózgeristerge daiyn bolý kerek ekenin aitty.
Foto: uiymdastyrýshylardan
Qatysýshylar óz sheberlikterin kórsetken 30 kompotentsiia ishinde dástúrli mamandyqtar ǵana emes, elektr jóndeý, energetika, kirpish qalaý, kýzov jóndeý, aspazdyq jáne meiramhana isi siiaqty mamandyqtarmen qatar zamanaýi baǵyttar da boldy. Olardyń ishinde mehatronika, injenerlik grafika, veb-tehnologiialar, bizneske arnalǵan IT sheshimder, mobildi robototehnika, mobildi qosymshalardy ázirleý jáne prototipteý bar.
Foto: uiymdastyrýshylardan
«Jelilik jáne júieni basqarý» mamandyǵy boiynsha birinshi oryndy Qostanai avtomobil kóligi kolledjiniń túlegi Gleb Saýlenko ielendi, ol qazirdiń ózinde suranysqa ie jas maman – Qostanai qalasyndaǵy Allur avtomobil zaýytynyń júielik ákimshisi qyzmetin atqarýda.
«Chempionatta bizge kúrdeli tapsyrmalar berildi: bizge qurylǵylardyń negizgi konfigýratsiiasyn oryndaý, kommýtatsiia men marshrýttaýdy túsinýdi kórsetý, jelilik qyzmetterdi konfigýratsiialaý qajet boldy. Osyǵan deiin oblystyq deńgeidegi bul jarystarǵa qatysyp, 2-orynǵa ie boldym. Basqa jas mamandarmen tanysý, tájiribe jáne ideialar almasý qyzyqty boldy», - deidi Gleb.
Jumys berýshiler tarapynan jumysshy mamandyqtarǵa suranys únemi ósip keledi. Allur kompaniiasy bilim berý jobalaryn iske asyrýda, sonyń ishinde 2021 jyldan bastap Qostanai avtomobil kóligi kolledjimen yntymaqtastyqty belsendi túrde júrgizilýde. Sonyń arqasynda stýdentter oqýyn qol úzbei praktikalyq daǵdylarǵa ie bolady. Oqý kezinde olar zaýytta tájiribeden ótip, oqýdy bitirgennen keiin tabysty jumysqa ornalasady. Bolashaq mamandar mansaptyq ósý múmkindigi bar básekege qabiletti jalaqyǵa, tolyq járdemaqy paketine, aýdarymdar men tegin tamaqqa ie bolady. Sonymen qatar, zaýytta zamanaýi jataqhana salynyp jatyr, bul jas qyzmetkerler úshin qosymsha artyqshylyq bolmaq.
Foto: uiymdastyrýshylardan
