Reseidiń Koledino qalashyǵyndaǵy Wildberries qoimalaryna jasalǵan kezekti shabýyl qazaqstandyq kásipkerge qymbatqa tústi. Oqiǵa saldarynan Aidarhan Qasymbektiń 150 mln teńge shamasyndaǵy taýary órtenip ketken, dep habarlaidy ult.kz.
Kásipker bul týraly áleýmettik jelidegi paraqshasynda habarlady. Onyń aitýynsha, buǵan deiin shabýylǵa ushyraǵan qoimalarda qazaqstandyq taýar kólemi az bolǵan. Al negizgi qor Koledinodaǵy qoimada saqtalǵan.
«Buǵan deiin janǵan qoimalarda bizdiń taýarlarymyz óte az bolatyn. Negizgi taýarlarymyz Koledinodaǵy qoimada ornalasqan edi. Bul aqparatty qabyldaý qiyn», – dedi kásipker.
Aidarhan Qasymbektiń aitýynsha, shabýyldar bastalǵanǵa deiin atalǵan qoimadaǵy taýarlarynyń ózindik quny shamamen 400 mln teńge bolǵan. Keiin ol taýardyń bir bóligin jeńildikpen jedel satyp jibergen.
«Qazir 150 million ǵana qaldy. Buǵan deiingi taýardyń bárin jeńildikpen tezdetip satyp jiberdik», – dedi ol.
Kásipker bolǵan jaǵdaidy aýyr qabyldaǵanymen, sabyrǵa shaqyrǵan.
Wildberries qoimalaryna qatysty jaǵdai qazaqstandyq satýshylar arasynda buǵan deiin de alańdaýshylyq týǵyzǵan. Qazaqstannyń Saýda jáne integratsiia ministrligi marketpleis tóńiregindegi jaǵdai boiynsha aqparat jinap jatqanyn málimdegen.
Mamandar mundai oqiǵalar sheteldik qoimalarǵa táýeldi qazaqstandyq kásipkerler úshin jetkizý tizbegi men taýar qaýipsizdigine qatysty táýekelderdi kúsheitetinin atap ótken.
Bir ǵana shabýyldyń saldarynan qazaqstandyq kásipkerdiń 150 mln teńgelik taýarynyń órtenýi – sheteldegi qoimalarǵa táýeldi otandyq satýshylar úshin úlken qaýiptiń baryn kórsetedi.
