Wildberries halyqaralyq kompaniiasy Qazaqstanda iri logistikalyq ortalyqtar salady. Bul týraly Saýda jáne integratsiia ministri Baqyt Sultanov aitty, dep habarlaidy "Ult aqparat".
Onyń sózine qaraǵanda, 43 qazaqstandyq kompaniia Alibaba-nyń altyn akkaýntynda saýda jasaidy, taǵy 3 kompaniia vitrina daiyndaýda. 21 qazaqstandyq kompaniia Wildberries-te saýda jasaidy.
Saýda jáne integratsiia ministrligi Qazaqstanda elektrondyq kommertsiiany damytý aiasynda qazaqstandyq kompaniialardyń osy alańdarǵa shyǵýy jóninde Alibaba, Ebay, Amazon jáne Wildberries kompaniialarymen kelissózder júrgizýde.
Sultanovtyń aitýynsha, 2022 jyldyń sońyna deiin Wildberries kompaniiasy Qazaqstanda investitsiialyq jobany iske asyrady. Osy oraida Nur-Sultan men Almaty qalalarynda shamamen 5 myń jumys ornyn quryp, alańy 100 myń sharshy metr bolatyn logistikalyq ortalyqtar salynady.
