WhatsApp arqyly jappai videoqońyraý shalý endi bárine qoljetimdi boldy. Jańa ózgeris iOs jáne Android-ta engizilgen, dep habarlaidy ixbt.com saity.
Áigili WhatsApp messendjerin jasap shyǵarýshylar komandasy qarapaiym paidalanýshylar úshin videoqońyraý shalý kezinde oǵan qatysýshylar sanyn kóbeitti. Sońǵy ýaqytta bul qyzmet túri jelide kóp talqylanǵan.
Buǵan deiin osy fýnktsiia qosymshanyń beta-nusqasynda testtik rejimde qoljetimdi bolǵan. Testileý ótken aptadan beri júrgizilgen.
Endi keńeitilgen limiti bar WhatsApp-ty iPhone úshin App Store-dan jáne Android smartfondary úshin WhatsApp saitynan (2. 20.141 nusqa) júktep alýǵa bolady. Bul jańalyq shyqqan ýaqytta Google Play-de qosymshanyń eski nusqasy ǵana qoljetimdi bolǵan.
Jańartý toptyq qońyraýǵa burynǵy tórt adamnyń ornyna endi segiz adamdy qosýǵa múmkindik beredi. Sondai-aq bul fýnktsiiany jasap shyǵarýshylar osyndai qońyraýlardyń qorǵalǵanyn jáne shifrlanǵanyn aitady. Bul rette barlyq qatysýshylar WhatsApp-tyń cońǵy nusqasyn paidalanýy tiis.
Jańa nusqadaǵy IPhone paidalanýshylary úshin iOS 13 dizainyna sáikes jańa interfeis quryldy, sonyń ishinde habarlamalardy basqarýdyń jańartylǵan máziri paida boldy.
