"Kasperskii zerthanasy" Android qurylǵylarynda taraityn jańa virýsty anyqtady, ol WhatsApp messendjerinen habarlama urlai alady. Bul týraly kompaniianyń zertteýinde jazylǵan.
Áńgime Skygofree virýsy jaiynda bolyp otyr, ol iri uialy telefon operatorlarynyń jasandy saittary arqyly taraidy. Bul saittarda qoldanýshylarǵa "internetke qosylýdy jyldamdatatyn" qyzmetti qosý usynylady, dep jazady Ria novosti.
"Skygofree — eń qýatty tyńshylyq quraldardyń biri, mundaidy bul platformada buryn-sońdy kórgen emespiz", — deidi sarapshylar.
Mamandardyń aitýynsha, tyńshy-baǵdarlama adamdardyń sózin jazyp, SMS pen WhatsApp-taǵy habarlamalardy, GPS derekteri men kúntizbedegi oqiǵalardy urlai alady. Sondai-aq virýs taraǵan qurylǵy belgili bir jerde bolǵan ýaqytta dybysty jazyp alýǵa qaýqarly. Budan bólek virýs qurylǵyny bázbireýlermen baqylanatyn Wi-Fi-jelige qosa alady.
Zertteý kórsetkendei, Skygofree 2015 jyldan bastap belsendi tarala bastady. "Kasperskii zerthanasynyń" málimeti boiynsha sońǵy ret virýsty taratatyn domen ótken jyly 31 qazanda tirkelgen. Ol kezde virýsty Italiiadaǵy qurylǵylar ǵana juqtyrǵan eken. Sondyqtan sarapshylar virýsty oilap tabýshylardyń Italiiada ekenine senimdi.
