videodan alynǵan kadr
WhatsApp messendjerinde Samarqandtaǵy jantúrshigerlik oqiǵanyń videosy tarap jatyr, - dep habarlaidy Tengrinews.kz portaly.
Kadrlarda janarmai quiý kezinde kóliktegi gaz ballony qalai jarylǵanyn kórýge bolady. Jarylystan metall konteiner ushyp, sondaǵy qyzmetkerge tiedi.
Samarqand oblysy Tótenshe jaǵdailar departamenti málimetinshe, oqiǵa 25 aqpanda saǵat 11:30-da Bedil kóshesinde ornalasqan AGTKS-da bolǵan. Nexia-3 kóliginde gaz ballony jarylǵan. Jarylys saldarynan janarmai quiý beketinde jumys isteitin 43 jastaǵy er adam qaza tapty.
Oqiǵa ornynda Ózbekstannyń Tótenshe jaǵdailar ministrligi, Ishki ister basqarmasy, oblystyq Densaýlyq saqtaý basqarmasy, prokýratýra jáne basqa da vedomstvolardyń qyzmetkerleri jumys istegen. Oqiǵanyń sebepteri anyqtalyp jatyr.
