Foto: digitalbusiness.kz
Qazaqstan Bas prokýratýrasy quqyqtyq statistika jáne arnaiy esepke alý jónindegi komitetiniń qylmystyq qaýip-qaterlerdiń jáne qoǵamdyq qaýipsizdiktiń táýekelderin boljaý ortalyǵy WhatsApp messendjerine qatysty jańa kiberqater týraly eskertti.
Sheteldik derekkózderdiń málimetine sáikes kiberalaiaqtar WhatsApp akkaýnttaryn basyp alýdyń jańa qylmystyq shemasyn qoldanyp jatyr. Bul ádis GhostPairing dep atalady jáne parolderdi buzýdy, SIM-kartalardy aýystyrýdy nemese kúrdeli tehnikalyq shabýyldardy qajet etpeidi.
Alaiaqtar WhatsApp-qa zańdy túrde, qosymsha qurylǵylardy bailanystyrý fýnktsiiasyn paidalaný arqyly qol jetkizedi.
Stsenariii qarapaiym. Paidalanýshyǵa Facebook nemese WhatsApp atynan jasyrynǵan habarlama jiberiledi, ol Facebook pen WhatsApp interfeisin vizýaldy túrde qaitalaityn jalǵan paraqshalarǵa baǵyttaidy.
Kontentke qoljetimdilikti rastaý úshin feik-paraqsha telefon nómiri men rastaý kodyn engizýdi usynady, osydan keiin ziiankes avtomatty túrde jábirlenýshiniń akkaýntyna senimdi qurylǵy retinde qosylyp, WhatsApp-qa tolyq qol jetkizedi (habarlamalardy oqý, mediafaildardy qaraý, bailanystar tizimi, habarlama jiberý, fotogalereiaǵa qoljetimdilik). Bul rette telefon ádettegidei jumys istei beredi jáne kúdik týdyrmaidy.
WhatsApp-ty basyp alýyn anyqtaýdyń jalǵyz joly - «Bailanystyrylǵan qurylǵylar» bólimin qolmen tekserý. Kez kelgen belgisiz qosylý akkaýnttyń buzylǵanyn kórsetedi jáne dereý joiylýy tiis.
Politsiia qyzmetkerleri kiberqaýipsizdik talaptaryn saqtaýǵa shaqyrady. Belgisiz kiris habarlamalarǵa, qońyraýlarǵa jáne ár túrli habarlandyrýlarǵa muqiiat bolýdy eskertedi. WhatsApp kodyn bógde paraqshalarǵa engizbeýge, eki faktorly aýtentifikatsiiany paidalanýǵa akkaýntyńyzdyń belsendiligin turaqty túrde tekserip otyrýǵa keńes beredi.
