فوتو: digitalbusiness.kz
قازاقستان باس پروكۋراتۋراسى قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنٸڭ قىلمىستىق قاۋٸپ-قاتەرلەردٸڭ جەنە قوعامدىق قاۋٸپسٸزدٸكتٸڭ تەۋەكەلدەرٸن بولجاۋ ورتالىعى WhatsApp مەسسەندجەرٸنە قاتىستى جاڭا كيبەرقاتەر تۋرالى ەسكەرتتٸ.
شەتەلدٸك دەرەككٶزدەردٸڭ مەلٸمەتٸنە سەيكەس كيبەرالاياقتار WhatsApp اككاۋنتتارىن باسىپ الۋدىڭ جاڭا قىلمىستىق سحەماسىن قولدانىپ جاتىر. بۇل ەدٸس GhostPairing دەپ اتالادى جەنە پارولدەردٸ بۇزۋدى, SIM-كارتالاردى اۋىستىرۋدى نەمەسە كٷردەلٸ تەحنيكالىق شابۋىلداردى قاجەت ەتپەيدٸ.
الاياقتار WhatsApp-قا زاڭدى تٷردە, قوسىمشا قۇرىلعىلاردى بايلانىستىرۋ فۋنكتسيياسىن پايدالانۋ ارقىلى قول جەتكٸزەدٸ.
ستسەنارييٸ قاراپايىم. پايدالانۋشىعا Facebook نەمەسە WhatsApp اتىنان جاسىرىنعان حابارلاما جٸبەرٸلەدٸ, ول Facebook پەن WhatsApp ينتەرفەيسٸن ۆيزۋالدى تٷردە قايتالايتىن جالعان پاراقشالارعا باعىتتايدى.
كونتەنتكە قولجەتٸمدٸلٸكتٸ راستاۋ ٷشٸن فەيك-پاراقشا تەلەفون نٶمٸرٸ مەن راستاۋ كودىن ەنگٸزۋدٸ ۇسىنادى, وسىدان كەيٸن زييانكەس اۆتوماتتى تٷردە جەبٸرلەنۋشٸنٸڭ اككاۋنتىنا سەنٸمدٸ قۇرىلعى رەتٸندە قوسىلىپ, WhatsApp-قا تولىق قول جەتكٸزەدٸ (حابارلامالاردى وقۋ, مەديافايلداردى قاراۋ, بايلانىستار تٸزٸمٸ, حابارلاما جٸبەرۋ, فوتوگالەرەياعا قولجەتٸمدٸلٸك). بۇل رەتتە تەلەفون ەدەتتەگٸدەي جۇمىس ٸستەي بەرەدٸ جەنە كٷدٸك تۋدىرمايدى.
WhatsApp-تى باسىپ الۋىن انىقتاۋدىڭ جالعىز جولى - «بايلانىستىرىلعان قۇرىلعىلار» بٶلٸمٸن قولمەن تەكسەرۋ. كەز كەلگەن بەلگٸسٸز قوسىلۋ اككاۋنتتىڭ بۇزىلعانىن كٶرسەتەدٸ جەنە دەرەۋ جويىلۋى تيٸس.
پوليتسييا قىزمەتكەرلەرٸ كيبەرقاۋٸپسٸزدٸك تالاپتارىن ساقتاۋعا شاقىرادى. بەلگٸسٸز كٸرٸس حابارلامالارعا, قوڭىراۋلارعا جەنە ەر تٷرلٸ حابارلاندىرۋلارعا مۇقييات بولۋدى ەسكەرتەدٸ. WhatsApp كودىن بٶگدە پاراقشالارعا ەنگٸزبەۋگە, ەكٸ فاكتورلى اۋتەنتيفيكاتسييانى پايدالانۋعا اككاۋنتىڭىزدىڭ بەلسەندٸلٸگٸن تۇراقتى تٷردە تەكسەرٸپ وتىرۋعا كەڭەس بەرەدٸ.
