WhatsApp ataýy kúmándi toptarǵa kirgen adamdardy buǵattaýdy bastady. Olar endi messendjerdi paidalaný úshin basqa nómirmen qaita tirkelýi kerek, dep jazady Business today.
WhatsApp jaqynda toptarǵa kirý talaptaryn ózgertip, topqa tirkelý tańdaýyn paidalanýshynyń ózine qaldyrǵan edi. Al endi messendjer kúmándi ataýǵa ie toptarǵa múshe adamdardy ómir boiyna buǵattady.
WhatsApp-tyń paidalanýshylardy buǵattaǵany týraly aqparat áleýmettik jelilerde paida bola bastady. Olardyń barlyǵy óz akkaýnttarynyń eshqandai aldyn ala aqparatsyz buǵattalyp, qaita qalpyna keltirilmeitindei bolyp qara tizimge engenin aityp jatyr.
Reddit, Mowe11 esimdi paidalanýshy top ataýyn qorlaityn sózge aýystyrǵandyqtan bandalǵanyn jazdy. Onyń aitýynsha, top ataýyn ózgertkennen keiin toptaǵy adamdardyń barlyǵy buǵattalǵan.
Budan ózge de paidalanýshylar júzden astam adam kirgen toptardyń ataýy bir minýtqa aýystyrylsa da, top músheleriniń qara tizimge engizilgenin aityp jatyr. Al WatsApp ázirge bul jańalyqqa qatysty eshqandai málimdeme jasamady jáne qandai top músheleriniń buǵattalatynyn túsindirmedi.
