WhatsApp messendjeriniń artyqshylyǵy - onyń qarapaiymdylyǵy men yńǵailylyǵynda. WhatsApp Inc., kompaniiasynyń biznesti damytý jónindegi vitse-prezidenti Niradj Arora dúisenbi kúni Dýbaida ótken Búkilálemdik 6-shy úkimet sammitinde osyndai málimdeme jasady, dep habarlaidy TASS.
Aroranyń aitýynsha, WhatsApp qoldanýshylarynyń sany aiyna 1,3 mlrd adamǵa jetken. Sonymen qatar, kún saiyn 1 milliardqa jýyq adam 55 mlrd shamasyndaǵy habarlama jiberedi eken. Vitse-prezident óz sózinde mátindik jáne daýystyq habarlamalar kóldeneń shifrleý ádisi (end-to-end) arqyly qorǵalatynyn da jetkizdi.
Búkilálemdik úkimet sammiti BAÁ premer ministri jáne Dýbai qalasynyń basshysy sheih Muhammed ben Rashid Ál Maktýmnyń qamqorlyǵymen ótkizilip keledi. 2013 jyly alǵash ret uiymdastyrylǵan is-shara azǵana ýaqyttyń ishinde halyqaralyq sipatqa ie bolǵan
