Web of Science jýrnaldaryndaǵy qazaqstandyq avtorlar sany 45 paiyzǵa artty. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Ǵylymnyń áleýmeti kommertsiialandyrýmen birge ǵalymdardyń bedeldi jýrnaldardaǵy maqalalar kórsetkishimen de tikelei bailanysty. Sońǵy jyldardyń ózinde eń bedeldi bazalalardaǵy maqalalardyń sany men sapasy ósti. Scopus bazasyndaǵy eń bedeldi jýrnaldardyń TOP 1 paiyzyndaǵy maqalalar sany 41 paiyzǵa ulǵaidy. Web of Science bazasynyń úsh negizgi indeksindegi maqalalar sany 56 paiyz kóbeiip otyr. Web of Science indeksteletin jýrnaldaryndaǵy qazaqstandyq avtorlardyń sanynyń ózi 45 paiyzǵa artty», - dedi ministr.
Onyń atap ótýinshe, «jyrtqysh» jýrnaldardaǵy maqalalardyń sany 8 ese azaiǵan.
«Osynyń bári otandyq ǵylymnyń úlken bolashaǵy men úlken áleýetin kórsetetini sózsiz», - dedi Ashat Aimaǵambetov.
