Orta salmaqta judyryqtasatyn qazaqstandyq kásipqoi boksshy Jánibek Álimhanuly (12-0, 8 KO) resmi túrde WBO (Dúniejúzilik boks uiymy) nusqasy boiynsha álem chempiony dep tanyldy, - dep habarlaidy "Ult aqparat".
Titýldyń burynǵy iegeri amerikalyq Demetriýs Andrade qazaqstandyqpen kezdesýden bas tartty. Onyń ornyna ekinshi orta salmaqqa ótip, britandyq Zak Parkermen «ýaqytsha» WBO belbeýi úshin aiqasýǵa sheshim qabyldady. Uiym mundai jekpe-jekke ruqsat berip, taraptarǵa kelissóz júrgizýge ýaqyt usyndy.
Osylaisha, uiym erejelerine sai Jánibek Álimhanuly WBO nusqasy boiynsha orta salmaqta tolyq quqyly álem chempiony mártebesin aldy.
"Qazaq Style" laqap atymen tanylǵan otandasymyz chempiondyq ataq alǵanyna qatysty pikir bildirip te úlgerdi.
"Men - WBO-da chempion ataǵyn alǵan tuńǵysh qazaqpyn. Bul - tarih. Men óte baqyttymyn”, – dep jazdy ol jelidegi paraqshasynda.
