Dúniejúzilik boks qaýymdastyǵy (WBA) komada jatqan qazaqstandyq boksshy Aidos Erbosynulynyń jaǵdaiy týraly málimdeme jasady, - dep habarlaidy Massaget.kz portaly Vesti.kz saityna silteme jasap.
Uiym onyń tezirek saýyǵyp ketýine senim bildirgen.
"Jeksenbiden bastap túrli habarlamada Erbosynulynyń jasandy komaǵa jatqyzylǵany jáne onyń jai-kúii meditsinalyq qyzmetkerlerdiń baqylaýynda ekeni aityldy. Osy jeksenbide Erbosynulynyń proýmoýteri Suleymen Promotions onyń aýrýhanaǵa jatqyzylǵanyn rastaityn málimdeme taratty, al dárigerler onyń ómirine tóngen qaýip joǵyn habarlady. Aidos kelesi eki apta boiy baqylaýda bolady. Qazir qazaqstandyqtyń komandasy onyń otbasyn qurmetteýdi suraidy. WBA oqiǵany baqylaidy jáne Erbosynuly tez qalpyna keledi dep úmittenedi. Sonymen qatar, barlyǵynan ol úshin duǵa etýdi suraimyz", - delingen uiym saitynda.
Eske salaiyq, Erbosynuly ótken demalys kúnderi AQSh-ta sýper orta salmaqtaǵy WBA World belbeýin ielengen kýbalyq Devid Morrelge qarsy jekpe-jek kezinde 12-raýndta nokaýtqa ketti. Sodan keiin ol komaǵa túsip, ota jasaldy. Otandasymyz Minnesotadaǵy (AQSh) aýrýhanada jatyr.
