Kúni keshe Amerikanyń kúndelikti shyǵatyn Washington Times gazeti tikelei shetel investitsiiasyn tartý úshin Qazaqstan qandai sharalardy júzege asyryp jatqandyǵyna qatysty maqala jariialady. Onda basylym sarapshysy L.Todd Výd aldaǵy ýaqytta Qazaqstan Batys pen Shyǵystyń túiisindegi jahandyq qarjy habyna ainalý múmkindigin jazady, dep habarlaidy QazAqparat.
Washington Times sarapshysynyń paiymynsha, tikelei shetel investitsiiasy kez kelgen damýshy ekonomikanyń ómirlik negizi sanalady. Infraqurylym men kadrlyq resýrstardy damytý, sol arqyly adamdarǵa eń qolaily ómirlik jaǵdai jasaý úshin elderge shetel kapitalyn tartý qajet. Protsess qarapaiym bolmaýy da múmkin. Óitkeni mundai jolda Úkimetke kóptegen problemalarmen, zań ústemdiginiń jetkiliksizdiimen, jemqorlyqpen jáne kapitaldy tiimsiz bólýmen kúresýge týra keledi.
Ortalyq Aziia – bul úlken ekonomikalyq áleýet baiqalyp otyrǵan álemniń bir bóligi. Qytai jańa Jibek jolyn ázirlep jatyr, paidaly qazbalardy óndirý de órlep keledi. Degenmen, retteýshi institýttardy, kapital naryǵy, sottar men normativtik-quqyqtyq aktilerdi qosa alǵanda «óńirdiń materialdyq emes infraqurylymy» kemeline jetken dep aitýǵa kelmeidi.
Maqala avtorynyń pikirinshe, Qazaqstan «Astana» halyqaralyq qarjy ortalyǵyn qurý arqyly tikelei shetel investitsiiasyn tartýǵa bar kúshin salyp jatyr. Biyl jáne keler jyly «Eir Astananyń», munai-gaz alyby «QazMunaiGazdyń» jáne ulttyq temir jol júiesiniń aktsiialary osynaý damýshy kapital naryǵyna ornalastyrylatyn bolady. Avtordyń atap ótýinshe, Qazaqstannyń jáne óńirdiń kóptegen kompaniialary aktsiialaryn jariia ornalastyrý múmkinshiligin qarastyrý ústinde.
«Astana» halyqaralyq qarjy ortalyǵy Eýraziiadaǵy eń birinshi aǵylshyn sotymen jáne arbitraj ortalyǵymen maqtana alady. Ol qyzmetin aǵylshyn tilinde júzege asyrady jáne qazirdiń ózinde Ulybritaniianyń quqyqtaný salasyndaǵy eń bilikti mamandaryn jaldap otyr.
Sondai-aq avtor qazaq álipbiiniń kirillitsadan latynǵa kóshirilýi, jahandyq kommýnkatsiialardy jaqsartýǵa baǵyttalǵan bastamalar men «Astana» halyqaralyq qarjy ortalyǵynyń biregei geografiialyq ornalasýy Qazaqstanǵa shetelden kapital tartý umtylysynda tabysqa jetýge múmkindik beretindigin atap ótedi.
.jpeg)