Kollaj Ulysmedia
Londonda jyljymaityn múlik satyp alý jónindegi mámileni Tatiana Kim 2022 jyly Qańtar oqiǵalarynan keiin kóp uzamai jasaǵan, dep habarlaidy «Ult aqparat» Ulysmedia.kz -ke silteme jasap.
2022 jyly Qańtar oqiǵalarynan keiin kóp uzamai Kaspi Group kompaniiasynyń iesiniń biri Viacheslav Kimniń áieli Tatiana Londonda jalpy quny £25,7 mln bolatyn eki páter satyp alǵany jóninde aqparat paida boldy.
– Quny shamamen £20 million bolatyn páterdiń biri úshinshi qabatta ornalasqan jáne úsh jatyn bólmeni, qonaq bólmeni, ashanasy bar as úidi jáne tórt jýynatyn bólmeni qosa alǵanda, shamamen 500 m2 aýmaqty alyp jatyr. Besinshi qabatta ornalasqan taǵy £5,7 mln turatyn ekinshi páterde bir jatyn bólme, qonaq bólme jáne eki jýynatyn bólme bar, - delingen"VChK-GPÝ" arnasynyń jazbasynda.
Tolyǵyraq
Avtorlardyń aitýynsha, Tatiana Kim kompaniianyń London qor birjasyna shyǵýyna deiin Qairat Satybaldy Viacheslav Kimnen Kaspi Group-daǵy úlesin bergen kezde páter satyp alǵan.
– Bul qadam kompaniiany saiasi mańyzdy adamdardan aryltýǵa baǵyttalǵan. Óz bailyǵyn Nazarbaevtyń otbasynyń qatysýymen tapqan Kim jáne onyń otbasy da Malta azamattary. 2018 jyly investitsiialyq azamattyq baǵdarlamasy boiynsha osy aral memleketiniń tólqujattaryn satyp alǵan, - delingen basylymda.
Tatiana Kim
Tatiana Kim Ulybritaniiada 2022 jyldyń tamyzynan bastap innovatsiialyq ustara óndirýshisi Evoshave kompaniiasyna ielik etedi.
Viacheslav Kim
Forbes málimetteri boiynsha, Viacheslav Kim – Kaspi.kz aktsioneri ári direktorlar keńesiniń tóraǵasy 2023 jyldyń 1 sáýirindegi aqparatqa qaraǵanda, ol kompaniianyń 23,34% baqylaidy. Kaspi.kz jalpy kapitaly 13,74 milliard dollardy quraidy.
Onyń bailyǵy 3 600 000 000 dollarǵa baǵalanady. Mihail Lomtadzemen birge ol Kaspi-ge ielik etedi.
Qairat Satybaldy
2022 jyldyń qyrkúiek aiynyń sońynda Qairat Satybaldy alty jylǵa bas bostandyǵynan aiyryldy. Sot ony jáne basqa da sottalýshylardy "Kólik servis ortalyǵy" kompaniiasynan 28 mlrd teńgeden astam aqsha urlaǵany jáne "Qazaqtelekom"kompaniiasynyń 12 mlrd teńgeden astam mólsherinde materialdyq zalal keltirgeni úshin kináli dep tanydy.
2023 jyldyń qazan aiynda sotqa deiingi tergeý qyzmetiniń basshysy Qanat Súleimenov Satybaldydan 300 million dollarlyq aktivter memleketke qaitarylǵanyn habarlady.
