Voleiboldan erler jáne áielder arasynda Qazaqstan sýperkýbogynyń iegerleri belgili boldy, dep habarlaidy "Ult aqparat".
Qazaqstan voleibol federatsiiasy málim etkenindei, Tarazda áielder arasynda sýperkýbok úshin Óskemenniń «Altaiy» men el chempiony «Jetisý» (Taldyqorǵan) komandalary talasty.
Munyń aldynda el kýbogy úshin ótken sheshýshi kezdesýde Qazaqstan ulttyq quramasynyń múshesi Sana Anarqulova bastaǵan óskemendikter taldyqorǵandyqtardan 3:2 esebimen basym túsken edi.
Bul joly «Altai» qarsylasyn 3:0 (25:16, 25:13, 25:23) esebimen úsh partiiada utyp, sýperkýbok iegeri atandy.
Óskemen klýbynyń namysyn qorǵaityn Danitsa Radinkovich matchtyń úzdik oiynshysy atandy.
Erler arasynda Óskemende ótken sýperkýbok úshin oiynda el chempiony almatylyq «Býrevestnik» pen «Atyraý» komandalary alańǵa shyqty. Munyń aldynda atyraýlyqtar el kýbogy úshin jarysta úzdik atanǵan edi.
Bul joly almatylyqtar atyraýlyqtardy 3:0 (25:16, 25:19, 25:17) esebimen tize búktirip, sýperkýbokqa ie boldy.
Almatylyq Nodirhan Qadyrqanov kezdesýdiń úzdik oiynshysy atandy.
