Petropavl qalasynda Ulttyq liganyń áielder komandalary arasynda Qazaqstan chempionatynyń 1-týry aiasynda sýperkýbok sarapqa salyndy, dep habarlaidy QazAqparat.
El chempiony, sondai-aq biylǵy kýbok iegeri Óskemenniń «Altaiy» men Qazaqstan kýbogynyń finalisi taldyqorǵandyq «Jetisý» alańǵa shyqty.
Serbiialyq maman Marko Grshich jattyqtyratyn óskemendik qyzdar (komanda kapitany Sana Anarqulova) alǵashqy partiiada basymdylyq tanytty – 25:16.
Ekinshi sette Elena Pavlovanyń shákirtteri esepti teńestirdi – 25:21. Degenmen budan keiin «Altai» qarsylastaryna des bergen joq – 25:19, 25:17. Jalpy esep – 3:1.
Osylaisha óskemendikter besinshi ret sýperkýbokty utyp aldy. Bul – olardyń biylǵy tórtinshi júldesi. «Altai» buǵan deiin chempiondyq pen kýbokqa qosa Aziia klýbtyq birinshiliginde de úzdik shyqqan bolatyn.
«Altai» jańa maýsymdy da sátti bastap, 1-týrda jeti oiynnan keiin 21 upaimen jekedara birinshi orynǵa shyqty.
Taldyqorǵandyqtar 6 kezdesýden 15 upai jinap, ekinshi satyda qaldy.
