پەتروپاۆل قالاسىندا ۇلتتىق ليگانىڭ ەيەلدەر كوماندالارى اراسىندا قازاقستان چەمپيوناتىنىڭ 1-تۋرى اياسىندا سۋپەركۋبوك ساراپقا سالىندى, دەپ حابارلايدى قازاقپارات.
ەل چەمپيونى, سونداي-اق بيىلعى كۋبوك يەگەرٸ ٶسكەمەننٸڭ «التايى» مەن قازاقستان كۋبوگىنىڭ فيناليسٸ تالدىقورعاندىق «جەتٸسۋ» الاڭعا شىقتى.
سەربييالىق مامان ماركو گرشيچ جاتتىقتىراتىن ٶسكەمەندٸك قىزدار (كوماندا كاپيتانى سانا انارقۇلوۆا) العاشقى پارتييادا باسىمدىلىق تانىتتى – 25:16.
ەكٸنشٸ سەتتە ەلەنا پاۆلوۆانىڭ شەكٸرتتەرٸ ەسەپتٸ تەڭەستٸردٸ – 25:21. دەگەنمەن بۇدان كەيٸن «التاي» قارسىلاستارىنا دەس بەرگەن جوق – 25:19, 25:17. جالپى ەسەپ – 3:1.
وسىلايشا ٶسكەمەندٸكتەر بەسٸنشٸ رەت سۋپەركۋبوكتى ۇتىپ الدى. بۇل – ولاردىڭ بيىلعى تٶرتٸنشٸ جٷلدەسٸ. «التاي» بۇعان دەيٸن چەمپيوندىق پەن كۋبوكقا قوسا ازييا كلۋبتىق بٸرٸنشٸلٸگٸندە دە ٷزدٸك شىققان بولاتىن.
«التاي» جاڭا ماۋسىمدى دا سەتتٸ باستاپ, 1-تۋردا جەتٸ ويىننان كەيٸن 21 ۇپايمەن جەكەدارا بٸرٸنشٸ ورىنعا شىقتى.
تالدىقورعاندىقتار 6 كەزدەسۋدەن 15 ۇپاي جيناپ, ەكٸنشٸ ساتىدا قالدى.
