Parlament Májilisiniń depýtaty Vladislav Kosarev úkimet múshelerinen bank pen qarjy sektoryn qasietti siyrdai erkelete berýdi toqtatýdy surady, - dep habarlaidy kaz.tengrinews.kz tilshisi.
"Qurmetti ministrler, ásirese, kommertsiialyq bloktaǵy ministrler! Ótinemin, bank pen qarjy sektoryn qasietti siyrdai erkelete berýdi toqtatyńyzdar. Naǵyz shynaiy sektormen ainalysaiyq! Menińshe, sizder bizdiń ekonomikamyzda salmaqty ról atqaratyn dástúrli salalarymyzdy umytyp kettińizder. Memleket basshysy óziniń bastamasymen sizderdiń rólderińizdi arttyrdy, ministr myrzalar, jáne munda eń bastysy - memlekettik baǵdarlamalardy oilastyrý kezindegi jaýapkershilik", - dedi májilismen Vladislav Kosarev Parlament palatalarynyń birikken otyrysy barysynda.
Onyń aitýynsha, barlyq másele bilik organdaryndaǵy laýazymdy tulǵalardyń qyzmetiniń tiimdiligi men jaýapkershiliginde bolyp tur.
Sondai-aq, depýtat Qazaqstan premer-ministrinen joǵarydaǵy úlken basshylardan jaýap alýyn surady.
"Baqytjan Ábdiruly, sizde ótinemin, memlekettik baǵdarlamalardyń júzege asyrylmaýy nemese biýdjettiń igerilmeýine qatysty máseleler týraly qatardaǵy mamandardan emes, úlken basshylardan jáne sizdiń janyńyzda otyrǵan ministrlerden esep alýyńyzdy suraimyn", - dedi depýtat Vladislav Kosarev.
