Elbasy Nursultan Nazarbaev Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy "Ult aqparat" Elbasynyń resmi saityna silteme jasap.
Resei Prezidenti Nursultan Nazarbaevty shyn júrekten týǵan kúnimen quttyqtap, myqty densaýlyq, baqyt jáne kópjosparly memlekettik qyzmetine jańa jetistikter tiledi.
Vladimir Pýtin Qazaqstannyń qol jetkizgen tolaǵai tabystary Nursultan Nazarbaevtyń esimimen tyǵyz bailanysty ekenin atap ótti.
Resei basshysy Qazaqstan Respýblikasynyń Tuńǵysh Prezidenti Qazaqstan men Resei baýyrlas halyqtarynyń igiligi úshin strategiialyq yntymaqtastyq pen odaqtastyqty nyǵaitýǵa, sondai-aq Eýraziia ekonomikalyq odaǵy aiasyndaǵy integratsiialyq protsesterdi tereńdetýge jáne keńeitýge zor úles qosýdy jalǵastyryp kele jatqanyn aitty.
Elbasy Vladimir Pýtinge jyly lebizderi úshin rizashylyǵyn bildirip, tatý kórshilik jáne ózara senimge negizdelgen Qazaqstan men Resei yntymaqtastyǵy halyqaralyq qatynastardyń jarqyn úlgisi ekenine nazar aýdardy.
