QR Premer-Ministriniń orynbasary Eraly Toǵjanov koronavirýstan jazylyp, qyzmetine qaita kiristi, – dep habarlaidy Úkimettiń baspasóz qyzmeti.
«Eraly Luqpanuly 10 kún emdelgen soń test tapsyrdy jáne test teris nátije kórsetti. Ol qyzmetine qaita kiristi», - delingen habarlamada.
Buǵan deiin Eraly Toǵjanovtyń simptomsyz koronavirýspen aýyryp qalǵany habarlanǵan edi.
«Qurmetti qazaqstandyqtar! Men de oqshaýlanýǵa májbúr bolyp otyrmyn. Infektsiiadan saqtanýǵa qansha tyrysqanymmen bolmady. Koronavirýs infektsiiasynyń sipmtomsyz túrin anyqtady. Tezirek jazylyp, qyzmetke oralý úshin dárigerler aitqan barlyq nusqamany oryndaýǵa tyrysamyn. Turǵyndardan da qaýipsizdik sharalaryn qatań ustanýdy, maska taǵyp, antiseptik qoldanýdy, qoldy jýyp, gigiena talaptaryn saqtaýdy ótinip suraimyn. Barlyǵymz aman-saý bolaiyq», - dep jazdy Eraly Toǵjanov.
