Osy jyldyń basynan beri elimizde 17 ana ólimi tirkelgen. Bul týraly búgin QR Densaýlyq saqtaý ministrliginiń alqa otyrysynda Úkimet basshysynyń orynbasary Eraly Toǵjanov aitty, dep habarlaidy "Ult aqparat".
«Byltyrǵy jyldyń qorytyndysy boiynsha densaýlyq saqtaý salasynyń mańyzdy kórsetkishteriniń keibiri tómendegeni baiqalady. Máselen, óńirlerdegi ana óliminiń artýyna bailanysty jaǵdai da kúntártibinde tur. Osy jyldyń basynda ana óliminiń 17 jaǵdaiy tirkeldi. Bul ótken jylmen salystyrǵanda 2 ese kóp dep aitsam artyq emes», - dedi Úkimet basshysynyń orynbasary
Osy rette Eraly Toǵjanov bul kórsetkishti ashyǵyn aitqanda búkil densaýlyq saqtaý júiesiniń sapasyna baǵa dep qabyldaýǵa bolatyndyǵyn basa aitty.
«Densaýlyq saqtaý ministrligine jergilikti ákimdiktermen birlesip, osý ýaqytqa deiin atqarylyp kelgen sharalardyń tiimdiligin baǵalap, 2 aptanyń ishinde naqty usynystar engizýdi tapsyramyn», - dedi Premer-Ministrdiń orynbasary.
