وسى جىلدىڭ باسىنان بەرٸ ەلٸمٸزدە 17 انا ٶلٸمٸ تٸركەلگەن. بۇل تۋرالى بٷگٸن قر دەنساۋلىق ساقتاۋ مينيسترلٸگٸنٸڭ القا وتىرىسىندا ٷكٸمەت باسشىسىنىڭ ورىنباسارى ەرالى توعجانوۆ ايتتى, دەپ حابارلايدى "ۇلت اقپارات".
«بىلتىرعى جىلدىڭ قورىتىندىسى بويىنشا دەنساۋلىق ساقتاۋ سالاسىنىڭ ماڭىزدى كٶرسەتكٸشتەرٸنٸڭ كەيبٸرٸ تٶمەندەگەنٸ بايقالادى. مەسەلەن, ٶڭٸرلەردەگٸ انا ٶلٸمٸنٸڭ ارتۋىنا بايلانىستى جاعداي دا كٷنتەرتٸبٸندە تۇر. وسى جىلدىڭ باسىندا انا ٶلٸمٸنٸڭ 17 جاعدايى تٸركەلدٸ. بۇل ٶتكەن جىلمەن سالىستىرعاندا 2 ەسە كٶپ دەپ ايتسام ارتىق ەمەس», - دەدٸ ٷكٸمەت باسشىسىنىڭ ورىنباسارى
وسى رەتتە ەرالى توعجانوۆ بۇل كٶرسەتكٸشتٸ اشىعىن ايتقاندا بٷكٸل دەنساۋلىق ساقتاۋ جٷيەسٸنٸڭ ساپاسىنا باعا دەپ قابىلداۋعا بولاتىندىعىن باسا ايتتى.
«دەنساۋلىق ساقتاۋ مينيسترلٸگٸنە جەرگٸلٸكتٸ ەكٸمدٸكتەرمەن بٸرلەسٸپ, وسۋ ۋاقىتقا دەيٸن اتقارىلىپ كەلگەن شارالاردىڭ تيٸمدٸلٸگٸن باعالاپ, 2 اپتانىڭ ٸشٸندە ناقتى ۇسىنىستار ەنگٸزۋدٸ تاپسىرامىن», - دەدٸ پرەمەر-مينيستردٸڭ ورىنباسارى.
