Bilim jáne ǵylym vitse-ministri Bibigúl Asylova Qazaqstanda muǵalimderdiń jalaqysy qanshaǵa kóteriletinin aitty, dep habarlaidy Baq.kz aqparat agenttigi KTK arnasyna silteme jasap.
Esterińizge sala ketsek, Elbasy 1 qańtardan bastap muǵalimderdiń jalaqysyn 30-50% kóterýdi tapsyrǵan bolatyn. Jalaqyny kóterý kezinde mamannyń biliktiligi men jumys ótili eskeriledi.
«1 qańtardan bastap 1, 2, 5 jáne 7-synyptar ustazdarynyń jalaqysy kóteriledi. Al 2018 jyldyń 1 qyrkúieginen bastap 3, 6 jáne 8-synyp ustazdarynyń jalaqysy kóterile bastaidy. Keiin kestege sáikes, 2019 jyldyń 1 qyrkúieginen bastap 4 jáne 9-synyp ustazdarynyń, 2020 jyldyń 1 qyrkúieginen bastap 10-synyp ustazdarynyń jalaqysy kóbeiedi», - deidi vitse-ministr.
Ekinshiden, mamannyń biliktilik deńgeiin anyqtaý jańa júiege sáikes júrgiziledi.
«Biliktilik deńgeiin bekitý ulttyq biryńǵai kvalifikatsiia testileýiniń nátijesi arqyly anyqtalady. Nátijege sáikes bul ustazdardyń jalaqysy 30-50% ósedi. Kvalifikatsiia testin Bilim ministrligi osy jyldyń ortasyna qarai ázirleidi. Qyrkúiek aiynan bastap ustazdar osy testileýden ótip, keiin jalaqylary óse bastaidy», - dep habarlady sheneýnik.
2017 jyldyń 1 qańtarynda Qazaqstanda ustazdyń ortasha jalaqysy 99 myń teńge boldy. Endi ministrlik ustazdardyń jalaqysyn kóbeitken jaǵdaida, ortasha jalaqy 120-130 myń teńge bolýy múmkin.
