QR Indýstriia jáne infraqurylymdyq damý vitse-ministri Erkebulan Daýylbaev halyqty aýylda turýǵa qalai yntalandyratynyn aitty, dep habarlaidy Qazaqparat.
QR Parlamenti Májilisinde «Qazaqstan Respýblikasynyń keibir zańnamalyq áktilerine turǵyn úi saiasatyn reformalaý máseleleri boiynsha ózgerister men tolyqtyrýlar engizý týraly» Zań jobasy tanystyryldy.
«Aýyldyq jerlerde turǵyn úi máselesin sheshý úshin aýylda jalǵa beriletin úiler salý kezinde jumys berýshilerdiń shyǵyndaryn sýbsidiialaý tetigin engizý usynylady. Bul jumys berýshilerdi óz jumyskerleri úshin turǵyn úi salýǵa yntalandyratyn bolady.
Bul olardyń aýyldyq jerlerde turýǵa múddeliligin arttyrady jáne halyqtyń qalalarǵa jappai ketýin tejep, aýyldyq jerlerge bilikti mamandardy tartýǵa múmkindik beredi.
Sýbsidiialaýǵa úi paidalanýǵa berilgennen keiin onyń qunynyń 50%-y mólsherinde jáne jalpy aýdany 100 sharshy metrden aspaityn, quny 10 mln teńgeden aspaityn jumys berýshilerdiń shyǵyndary jatady.
Turǵyn úi jumys berýshi men jumysker arasynda 5 jyldyq merzimge jasalǵan eńbek sharty bolǵan kezde usynylady», - dedi ministrlik ókili.
Onyń aitýyna qaraǵanda, búgingi tańda óńirlerde 2 855 turǵyn úidiń qurylysyn bastaý josparlanǵan.
«Atalǵan jańashyldyqtardy iske asyrý úshin 4 Kodeks pen 19 zańǵa ózgerister men tolyqtyrýlar engizý qajet.
Tutastai alǵanda, joǵaryda kórsetilgen sharalar halyqty turǵyn úimen qamtamasyz etýdiń tiimdiligin arttyrýǵa, azamattardyń turǵyn úiin alý rásimin ońtailandyrýǵa, sondai-aq azamattardyń barlyq sanattary arasynda turǵyn úidi ádil bólýdiń biryńǵai tetigin engizýge múmkindik beredi», - dedi Erkebulan Daýylbaev.
