QR Aýyl sharýashylyǵy birinshi vitse-ministri Aidarbek Saparov qar az túsken óńirlerge ylǵal jabý jumystaryn shiratýdy usyndy, dep habarlaidy QazAqparat.
«Agroónerkásip keshenin memlekettik qoldaýdyń jańa tásilderimen, onyń ishinde tsifrlyq tehnologiialardy paidalana otyryp, aýyspaly egisti saqtaýǵa qatań tásildeme kózdelgenin atap ótkim keledi. Mysaly, maily daqyldar joǵary rentabeldi jáne dándi daqyldarǵa qaraǵanda suranysqa ie. Buǵan basa nazar aýdarý kerek.
Jalpy, jumysqa daiyndyq kezinde aýa-raiy qubylystaryn eskerý qajet. Osylaisha, respýblikadaǵy eginshiliktiń mańyzdy mindetteriniń biri topyraqta ylǵal jinaý jáne ony utymdy paidalaný jónindegi is-sharalardy júrgizýge baǵyttalǵan», - dedi vitse-ministr Úkimet otyrysynda.
Aidarbek Saparov «Qazgidromet» RMK derekteri boiynsha respýblika aýmaǵynyń basym bóliginde jaýyn-shashyn birkelki túspegenin atap ótti.
«Jaýyn-shashynnyń normadan joǵary mólsheri batysta, ońtústik-batysta, soltústikte, ortalyq pen shyǵystyń taýly aýdandarynda ótti. Qalǵan aýmaqta jaýyn-shashyn normadan az boldy. Qar jamylǵysynyń bolmaýy ońtústikte, ońtústik batysta, ońtústik shyǵys jazyǵynda baiqaldy.
Qalyptasqan aýa raiy jaǵdailaryn eskere otyryp, ministrlik qar toqtatý boiynsha agrotehnikalyq jumystardy júrgizý qajettiligin birneshe ret atap ótti. Qazirgi ýaqytta óńirler osyndai jumys júrgizýde, shamamen 3,1 mln ga alańda qar toqtatý eki izben júrgizildi. Bul 2021 jyldyń tiisti kezeńiniń deńgeiinen 2,5 ese artyq», - dedi ministrlik ókili.
Onyń aitýynsha, kóktemde barlyq jerde ylǵal jabý jumystaryn júrgizý qajet.
