Úkimet basshysy Asqar Mamin tsifrlyq damý birinshi vitse-ministri Baǵdat Mýsindi tanystyrdy. Bul týraly primeminister.kz habarlady.
QR Premer-Ministri Asqar Mamin Tsifrlyq damý, innovatsiialar jáne aeroǵarysh ónerkásibi ministrliginiń ujymyna QR Úkimetiniń Qaýlysymen taǵaiyndalǵan birinshi vitse-ministr Baǵdat Mýsindi tanystyrdy, ol ýaqytsha ministr qyzmetin de atqaratyn bolady.
A. Mamin Memleket basshysy ministrliktiń aldyna memlekettik qyzmetter men ekonomika salalaryn tsifrlandyrý jóninde naqty mindetter qoiǵanyn atap aitty. Densaýlyq saqtaý jáne bilim berý salasyn tsifrlandyrý máselesine erekshe kóńil bólý qajet. Barlyq osy mańyzdy mindetterdi iske asyrý, ásirese, pandemiia kezinde zor mańyzǵa ie. «Tsifrlyq Qazaqstan» baǵdarlamasy sheńberinde aýyldyq eldi mekenderdi sapaly internetpen qamtamasyz etý, Qazaqstannyń innovatsiialyq ekojúiesin damytý qajet.
Mýsin Baǵdat Batyrbekuly 1983 jyly 3 naýryzda Pavlodar oblysynyń Ekibastuz qalasynda týǵan. Súleimen Demirel atyndaǵy ýniversitetti «injener-júie tehnigi» mamandyǵy boiynsha, Qazaq quqyqtaný jáne halyqaralyq qatynastar institýtyn «zańger» mamandyǵy boiynsha bitirgen.
Eńbek jolyn injener-baǵdarlamashy bolyp bastady, Ádilet ministrliginiń «Respýblikalyq quqyqtyq aqparat ortalyǵy» RMK AJ súiemeldeý bóliminiń bastyǵy, QR Ádilet ministrliginiń Ekonomika jáne qarjy departamenti Aqparattyq tehnologiialar basqarmasynyń bastyǵy bolyp jumys istedi, QR Bailanys jáne aqparat ministrliginiń qurylymynda basshylyq qyzmetterdi atqardy, «Ulttyq aqparattyq tehnologiialar» AQ, «Qazposhta» AQ, QR Bas prokýratýrasynyń Quqyqtyq statistika jáne arnaiy esepke alý komitetin basqardy.
Aǵymdaǵy jyly naýryz aiynda QR Prezidentiniń tsifrlandyrý jáne innovatsiialyq tehnologiialar jónindegi keńesshisi bolyp taǵaiyndaldy.
Eske salsaq, Baǵdat Mýsin Prezidenttiń keńesshisi qyzmetinen bosatylǵan edi.
