Elimizdegi diqandar astyqty byltyrǵyǵa qaraǵanda biyl 3 mln tonnaǵa az jinaýy múmkin. Buǵan jazdaǵy aptap ystyq sebep bolyp otyr, dep habarlaidy QazAqparat.
«Ótken jyly jinalǵan astyqtyń jalpy ónimi 20,3 mln tonnany quraǵan. Biyl 17 mln tonna astyq jinaý josparlaýda. Elimizde 1 shildeden bastap aptap ystyq boldy. Ásirese, eń bidaily sanalatyn Qostanai óńirindegi 8 aýdanda ekken egin kúiip ketti. Ol jerlerde qazirgi tańda gektaryna 3,4 tsentner astyq jinalyp jatyr. Osy sebepti, tómendeý bolady. Úkimet tarapynan kórsetiletin kómek-qoldaýlardyń barlyǵy kórsetildi. Problema joq. 1 shildeden keiin kún raiyna bailanysty qiyndyq týyndaǵannan keiin ǵana másele shyǵyp otyr», - dedi Aýyl sharýashylyǵy birinshi vitse-ministri Aidarbek Saparov OKQ-da ótken baspasóz máslihatynda.
Vitse-ministrge osy máselege bailanysty «elimizde nan baǵasy qymbattai ma?» degen suraq qoiyldy. Aidarbek Saparovtyń jaýabyna súiensek, bul másele boiynsha áli erterek birdeńe deý qiyn. Dese de, ol nan baǵasy sál qymbattaýy múmkin ekenin jasyrǵan joq.
«Eksportqa qansha mólsherde bidaidyń shyǵarylatynyn ázirge aitý qiyndaý. Meniń oiymsha, eksportqa 6-7 mln tonna astyq shyǵaramyz dep boljam jasaýdamyz. 17 mln tonna jinasaq, báribir ótken jylǵydan qaraǵanda túsim azyraq bolady. Biraq ishki suranys tolyǵymen qanaǵattandyrylady», - dedi ol.
