Qashyqtan oqytý aiasynda túsirilgen beinesabaqtarda oryn alǵan qatelikter túzetildi. Bul týraly onlain tártipte ótken baspasóz máslihatynda QR Bilim jáne ǵylym vitse-ministri Sholpan Karinova málim etti, dep habarlaidy QazAqparat.
Baspasóz máslihatynda qashyqtan oqytý aiasynda telearnalardan kórsetiletin beinesabaqtarda qatelikter oryn alǵandyǵy týraly suraldy.
«Biz de osy qatelerdi kórip otyrmyz. Shynyn aitý kerek, qashyqtan oqytýǵa muǵalimder de, mektepter de daiyn bolmady. Sonymen qatar, jańa format aiasynda muǵalimderdiń qobaljýy da kórindi. Eki aptanyń ishinde 700-den astam sabaq kórsetildi. Olardyń basym kópshiligi demalys kezinde túsirilgen edi. Sondyqtan jiberilgen qateler úshin qoǵamnan, iaǵni ata-analardan, balalardan keshirim suraimyz. 700-den astam beinesabaqtyń arasynda eki sabaqta qate ketkeni málim boldy», - dedi O. Karinova Ortalyq kommýnikatsiialar qyzmetinde.
Vitse-ministrdiń sózine qaraǵanda, atalǵan beinesabaqtar birden kórsetilimnen alynyp, keiin qaita túsirildi.
«Barlyq televiziialyq sabaqtardyń qoljetimdi Youtube-kanaldaryna jańa beinesabaqtar ornalastyryldy. Ary qarai tekserý jumystaryn kúsheitip, mundai qatelerdi boldyrmaýdyń barlyq sharalary iske asyrylýda», - dedi Sholpan Karinova.
