Reseilik ataqty ánshi Vitas otandysymyz Dimash Qudaibergenovtiń "I am a Singer" jobasynda "Opera №2" ánin ruqsatsyz oryndaǵanyna qatysty resmi málimdeme jasady, - dep habarlaidy "Ult aqparat". Bul málimdemeni ol áleýmettik jelilerdegi paraqshalarynda jariialady.
"Qymbatty dostar! Resmi málimdeimin: sońǵy tórt kúnde meniń tarapyma áleýmettik jelilerde jaǵymsyz pikirler tym kóp aityla bastady. Men shyǵarmashylyqtyń kez kelgen úlgisine hám jekelei árbir shyǵarmashylyq adamyna úlken qurmetpen qaraitynymdy aitqym keledi. Sot organdaryna júginýge nemese saraptama jasaýǵa, bótenniń múlkine talasýǵa, ózge ártisterdiń shyǵarmashylyq ómirine ia ónerine aralasýǵa beiim adam emespin. Eshqashan bulai jasamaimyn da", - dep jazdy Vitas.
Sonymen qatar, ol kez kelgen ártistiń ainalasyndaǵy quqyqtar qaishylyǵy jaily máseleniń onyń belgili bir elde múddesin qorǵaityn prodiýseriniń jáne arnaiy kompaniianyń quzyreti ekenin aityp otyr.
"Zań boiynsha daýlar bolǵan, bolady da jáne tanymal oryndaýshylarǵa qatysty mundai máselelerdiń shyǵýy - qalypty jaǵdai, biraq bul jaǵymsyz pikirge, qaqtyǵysqa, ásirese qorlaýǵa sebep bolmaýy kerek" dep jazdy Vitas paraqshasynda.
Aita keteiik, birneshe kún buryn onyń prodiýseri Sergei Pýdovkin qazaqstandyq ánshi Dimash Qudaibergenovtiń Qytaidaǵy "I am a Singer" jobasynda Vitastyń "Opera №2" ánin ruqsatsyz oryndaǵanyna narazylyq bildirgen bolatyn. Al munyń aldynda Qytaidaǵy advokattar kontorasyna avtorlyq quqyq isi boiynsha shaǵym túsirilgen de bolatyn.
Eske sala keteiik, Dimash Qudaibergenov 28 qańtarda Qytaida ótip jatqan I Am a Singer mýzykalyq konkýrsynyń ekinshi kezeńinde de jeńimpaz atanǵan bolatyn. Ánshi reseilik ataqty Vitastyń "Opera 2" atty týyndysyn oryndaǵan edi.
Al teleshoýdyń birinshi kezeńinde ánshi SOS d'un terrien en détresse ánin frantsýz tilinde oryndap, jeńimpaz atanǵan bolatyn.
