Koronavirýstyń aldyn alý sharalaryna bailanysty Qazaqstan mektepterinde kóktemgi demalys bir apta erte bastalady. 12 naýryzda Nur-Sultanda ótken brifing kezinde premer-ministrdiń orynbasary Eraly Toǵjanov osylai dep málimdedi.
- Orta bilim berý mekemeleri 16 naýryz ben 5 sáýir aralyǵynda demalysqa shyǵady. 16 naýryzdan bastap kásiptik-tehnikalyq bilim berý mekemeleri men joǵary oqý oryndary múmkindiginshe qashyqtyqtan oqýǵa kóshedi, - dedi Eraly Toǵjanov.
Eger demalys aiaqtalǵanǵa deiin jaǵdai ońalmasa, onda qashyqtyqtan oqytý ádisterine súienýge týra keledi dedi Toǵjanov. Onyń aitýynsha, qazaqstandyq oqý oryndarynyń qashyqtyqtan oqytý júiesin paidalaný boiynsha tájiribesi bar. Canvas, Platonus, google classroom siiaqty onlain oqý júielerin qoldanatyn keibir oqý oryndary jartylai onlain oqytýǵa da kóshken.
Qazaqstan mektepterinde demalys 21 naýryzda bastalyp, 2 sáýirde aiaqtalýy tiis bolǵan. Demalys kezinde oqýshylardyń ekskýrsiiaǵa shyǵýyna da tyiym salynady.
Toǵjanovtyń aitýynsha, balabaqshalar burynǵysha jumysyn jalǵastyra beredi.
Qazaqstanda resmi derek boiynsha, koronavirýs tabylmaǵan.
