كوروناۆيرۋستىڭ الدىن الۋ شارالارىنا بايلانىستى قازاقستان مەكتەپتەرٸندە كٶكتەمگٸ دەمالىس بٸر اپتا ەرتە باستالادى. 12 ناۋرىزدا نۇر-سۇلتاندا ٶتكەن بريفينگ كەزٸندە پرەمەر-مينيستردٸڭ ورىنباسارى ەرالى توعجانوۆ وسىلاي دەپ مەلٸمدەدٸ.
- ورتا بٸلٸم بەرۋ مەكەمەلەرٸ 16 ناۋرىز بەن 5 سەۋٸر ارالىعىندا دەمالىسقا شىعادى. 16 ناۋرىزدان باستاپ كەسٸپتٸك-تەحنيكالىق بٸلٸم بەرۋ مەكەمەلەرٸ مەن جوعارى وقۋ ورىندارى مٷمكٸندٸگٸنشە قاشىقتىقتان وقۋعا كٶشەدٸ, - دەدٸ ەرالى توعجانوۆ.
ەگەر دەمالىس اياقتالعانعا دەيٸن جاعداي وڭالماسا, وندا قاشىقتىقتان وقىتۋ ەدٸستەرٸنە سٷيەنۋگە تۋرا كەلەدٸ دەدٸ توعجانوۆ. ونىڭ ايتۋىنشا, قازاقستاندىق وقۋ ورىندارىنىڭ قاشىقتىقتان وقىتۋ جٷيەسٸن پايدالانۋ بويىنشا تەجٸريبەسٸ بار. Canvas, Platonus, google classroom سيياقتى ونلاين وقۋ جٷيەلەرٸن قولداناتىن كەيبٸر وقۋ ورىندارى جارتىلاي ونلاين وقىتۋعا دا كٶشكەن.
قازاقستان مەكتەپتەرٸندە دەمالىس 21 ناۋرىزدا باستالىپ, 2 سەۋٸردە اياقتالۋى تيٸس بولعان. دەمالىس كەزٸندە وقۋشىلاردىڭ ەكسكۋرسيياعا شىعۋىنا دا تىيىم سالىنادى.
توعجانوۆتىڭ ايتۋىنشا, بالاباقشالار بۇرىنعىشا جۇمىسىن جالعاستىرا بەرەدٸ.
قازاقستاندا رەسمي دەرەك بويىنشا, كوروناۆيرۋس تابىلماعان.
