Elimizde koronavirýsty anyqtaityn qosymsha 60 myń test alynady. Bul týraly Ortalyq kommýnikatsiialar qyzmeti alańynda QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Qazirgi ýaqytta koronavirýs 120 memleketke tarady. Qazaqstan Qytaimen shekaralas jatyr. Soǵan qaramastan arnaiy qabyldanǵan sharalardyń arqasynda elimizde osy ýaqytqa deiin koronavirýs anyqtalǵan joq»,- deidi QR Premer-Ministriniń orynbasary Eraly Toǵjanov.
Sondai-aq, QR Densaýlyq saqtaý ministri Eljan Birtanov koronavirýs adam qanynan birinshi kúni anyqtalmaitynyn jetkizdi.
«Birneshe memleketten kelgen azamattar baqylaýda. Koronavirýs adam qanynan birinshi kúni tabylmaidy, sol sebepti biz olardy baqylaýda, qajet bolsa 14 kún karantinde ustaimyz. Bizdiń protokol boiynsha, adamnan birinshi jáne onynshy kúni qan alynyp, tekseriledi. Qazirgi kezde bizdiń barlyq óńirde arnaiy sanitarlyq-epidemiologiialyq zerthanalar jumys júrgizýde. Resei Federatsiiasy, QHR, DSUU jibergen jáne qazaqstandyq test bar. Jalpy 15 myń test bolǵan, onyń 5 myńyn paidalandyq. Qosymsha 60 myń test alamyz. Árbir naýqasty 2-3 testpen tekseremiz. Bul testter naqty kórsetkishterdi kórsetip, jaqsy jumys isteidi. Bul jumystar ary qarai da jalǵasady», - deidi ol.
