Aqtóbede meditsinalyq ýniversitettiń rezidentteri koronavirýspen kúres jumystary kezinde indet juqtyrǵanyna senbegen adamdardyń da bolǵanyn jasyrmady. Olar derttiń qanshalyqty qaýipti ekenin túsindirdi, dep habarlaidy QazAqparat.
Marat Ospanov atyndaǵy BQMÝ rezidentteri «COVID-19» virýsymen kúres jumystaryna jumyldyryldy. Olar oblystaǵy úsh emdeý ornyna bólingen. Indet juqtyrǵandar jáne olarmen bailanysta bolǵan adamdarǵa járdem bergen rezident-infektsionister Gúlnur Aiaǵanova jáne Ádilbek Mahash qazirgi kúni infektsiialyq gospitalda jumys istep júr. Ekeýi de úilerinen jyraqta em júrgizýge májbúr.
«Koronavirýs infektsiia diagnozy rastalǵan jaǵdaida keibiri synama nátijesine kúmándanady. Sebebi olar ón boiynan eshqandai ózgeshelik baiqamaidy, densaýlyǵyna shaǵym aitpaidy. Mundai jaǵdaida biz patsienttermen áńgime júrgizemiz, koronavirý infektsiiasynyń esh belgisiz, jeńil formada, sondai-aq ortasha aýyr jáne aýyr jaǵdaida ótetinin túsindiremiz. Keibiri ózi aýyrmaidy, biraq taratýshy. Ásirese sozylmaly aýrýy bar, egde jastaǵy adamdarǵa qaýipti», - deidi Gúlnur Aiaǵanova.
Joǵary oqý ornynyń baspasóz qyzmetiniń habarlaýynsha, rezidentter patsientterdi baqylaý jáne emdeý sharasyn jalǵastyrady. Karantindegi patsientterge kómek kórsetý jas mamandar úshin tájiribe, al rezidentter biliktiligin shyńdady.
