Qazaqstan densaýlyq saqtaý ministrligi 19 sáýir túngi saǵat 23:10-da Almatyda koronavirýstan eki naýqas qaitys bolǵanyn habarlady. Olardyń biri - 1958, ekinshisi 1931 jyly týǵan.
Búginge deiin Qazaqstanda koronavirýstan barlyǵy 19 adam qaitys bolǵan. Dárigerlerdiń aitýynsha, olardyń basym bóliginde sozylmaly aýrýlar bolǵan.
Ministrlik jeksenbi kúni túnde virýs juqtyrǵandar 35 adamǵa kóbeigenin de habarlady.
Osylaisha Respýblika boiynsha virýs juqtyrǵandar 1711 adamǵa jetti:
- Almaty qalasy – 524
- Nur-Sultan qalasy – 372
- Qyzylorda oblysy – 148
- Qaraǵandy oblysy – 93
- Aqmola oblysy – 82
- Atyraý oblysy – 80
- Túrkistan oblysy – 60
- Jambyl oblysy – 61
- Shymkent qalasy – 67
- Soltústik Qazaqstan oblysy – 30
- Almaty oblysy – 40
- Batys Qazaqstan oblysy – 62
- Aqtóbe oblysy – 27
- Mańǵystaý oblysy – 12
- Pavlodar oblysy – 26
- Shyǵys Qazaqstan oblysy – 8
- Qostanai oblysy – 15
Koronavirýstan 401 adam aiyqqan. Buǵan deiin densaýlyq saqtaý ministrligi osy jáne aldaǵy aptada "epidemiia sharyqtaý shegine jetedi" dep boljaǵan.
Prezident Qasym-Jomart Toqaev jeksenbi kúni Twitter-degi paraqshasynda "Qazaqstanda virýs juqtyrǵandar kóbeiip jatyr, biraq geometriialyq progressiia boiynsha ósip jatqan joq. Demek sheshimder ýaqytynda qabyldanǵan. Alaida epidemiia sharyqtaý shegine jetken joq" dep, azamattardy karantin erejelerin saqtaýǵa shaqyrdy.
Aita keteiik, Qazaqstanda 16 naýryzdan bastap tótenshe jaǵdai jariialanǵan. Birqatar qala men oblys, aýdan men aýylda karantin engizilip, qozǵalys shektelgen.
