قازاقستان دەنساۋلىق ساقتاۋ مينيسترلٸگٸ 19 سەۋٸر تٷنگٸ ساعات 23:10-دا الماتىدا كوروناۆيرۋستان ەكٸ ناۋقاس قايتىس بولعانىن حابارلادى. ولاردىڭ بٸرٸ - 1958, ەكٸنشٸسٸ 1931 جىلى تۋعان.
بٷگٸنگە دەيٸن قازاقستاندا كوروناۆيرۋستان بارلىعى 19 ادام قايتىس بولعان. دەرٸگەرلەردٸڭ ايتۋىنشا, ولاردىڭ باسىم بٶلٸگٸندە سوزىلمالى اۋرۋلار بولعان.
مينيسترلٸك جەكسەنبٸ كٷنٸ تٷندە ۆيرۋس جۇقتىرعاندار 35 ادامعا كٶبەيگەنٸن دە حابارلادى.
وسىلايشا رەسپۋبليكا بويىنشا ۆيرۋس جۇقتىرعاندار 1711 ادامعا جەتتٸ:
- الماتى قالاسى – 524
- نۇر-سۇلتان قالاسى – 372
- قىزىلوردا وبلىسى – 148
- قاراعاندى وبلىسى – 93
- اقمولا وبلىسى – 82
- اتىراۋ وبلىسى – 80
- تٷركٸستان وبلىسى – 60
- جامبىل وبلىسى – 61
- شىمكەنت قالاسى – 67
- سولتٷستٸك قازاقستان وبلىسى – 30
- الماتى وبلىسى – 40
- باتىس قازاقستان وبلىسى – 62
- اقتٶبە وبلىسى – 27
- ماڭعىستاۋ وبلىسى – 12
- پاۆلودار وبلىسى – 26
- شىعىس قازاقستان وبلىسى – 8
- قوستاناي وبلىسى – 15
كوروناۆيرۋستان 401 ادام ايىققان. بۇعان دەيٸن دەنساۋلىق ساقتاۋ مينيسترلٸگٸ وسى جەنە الداعى اپتادا "ەپيدەمييا شارىقتاۋ شەگٸنە جەتەدٸ" دەپ بولجاعان.
پرەزيدەنت قاسىم-جومارت توقاەۆ جەكسەنبٸ كٷنٸ Twitter-دەگٸ پاراقشاسىندا "قازاقستاندا ۆيرۋس جۇقتىرعاندار كٶبەيٸپ جاتىر, بٸراق گەومەترييالىق پروگرەسسييا بويىنشا ٶسٸپ جاتقان جوق. دەمەك شەشٸمدەر ۋاقىتىندا قابىلدانعان. الايدا ەپيدەمييا شارىقتاۋ شەگٸنە جەتكەن جوق" دەپ, ازاماتتاردى كارانتين ەرەجەلەرٸن ساقتاۋعا شاقىردى.
ايتا كەتەيٸك, قازاقستاندا 16 ناۋرىزدان باستاپ تٶتەنشە جاعداي جارييالانعان. بٸرقاتار قالا مەن وبلىس, اۋدان مەن اۋىلدا كارانتين ەنگٸزٸلٸپ, قوزعالىس شەكتەلگەن.
