Qazaqstanda ótken táýlikte koronavirýs testi oń shyqqan 2077 adam tirkelgen. Taǵy 77 adamǵa koronavirýs pnevmoniiasy diagnozy qoiylǵan. Densaýlyq saqtaý ministrligi koronavirýs pnevmoniiasy men adam ólimi boiynsha eki kún burynǵy (31 naýryz) málimetti jariialap keledi. Sársenbi kúni 14 adam ólimi tirkelgen. 12-si – koronavirýstan, ekeýi koronavirýs pnevmoniiasynan qaitys boldy dep aitylady.
Ótken táýlikte Almatyda – 595, Nur-Sultanda – 427, Almaty oblysynda – 239, Qaraǵandy oblysynda – 144, Aqtóbe oblysynda – 127, Atyraý oblysynda – 103, Batys Qazaqstan oblysynda 104 naýqas tirkelgen. Qyzylorda oblysynda – 27, Mańǵystaý oblysynda – 22, Túrkistan oblysynda – 22, Jambyl oblysynda – 18, Shymkent qalasynda – 96, Soltústik Qazaqstan oblysynda – 5, Qostanai oblysynda – 36, Aqmola oblysynda – 50, Pavlodar oblysynda – 21, Shyǵys Qazaqstan oblysynda 41 naýqas anyqtalǵan. Olardyń PTR testi oń shyqqan.
2020 jyldyń naýryz aiynan beri 248 931 adamnyń koronavirýs testi oń shyqqan. Sodan beri 3 072 adam qaitys bolǵan. Buǵan qosa, 694 adam koronavirýs pnevmoniiasynan qaitys boldy dep aitylady. 1 tamyzdan beri 50 695 adamǵa koronavirýs pnevmoniia diagnozy qoiylǵan.
Qazir 26 095 adam koronavirýstan emdelip jatyr. 24,5 myńynyń koronavirýs testi oń shyqqan. Olardyń ishinde 9 098 patsient statsionarda jatyr, 16 997 naýqas ambýlatoriialyq deńgeide em qabyldap júr. 90 adamnyń jaǵdaiy óte aýyr. 56 adam jasandy tynys apparatyna qosylǵan.
Amerikalyq Djon Hopkins ýniversitetiniń málimetinshe, 129,5 mln adamǵa koronavirýs juqqan, 2,8 mln adam qaitys bolǵan. 73,4 mln adam jazylǵan.
