Biyl Qazaqstannyń áskeri qyzmetshileri segizinshi Armiialyq halyqaralyq oiyndaryna qatysady. Onda Qazaqstan Qarýly kúshteriniń áskeri qyzmetshileri jeti konkýrsqa qatysýǵa daiyndalyp jatyr. Onyń úsheýi Qazaqstanda ótkiziledi, – dep habarlaidy «Ult aqparat».
Atap ótelik, artilleriiadan oq atý sheberleri, mina atý arasyndaǵy jarys, «Meridian» áskeri-topografiialyq qyzmeti mamandarynyń saiysy, taktikalyq mergen áskeri sporttyq atys jarystar kesheni jáne tank biatlon men kúres sheńberi Reseide, Armeniia Respýblikasynda - beibitshilik jaýyngeri, al Teńiz kýbogy Ázerbaijan Respýblikasynda ótkiziledi dep josparlanyp otyr.
«Biyl «Meridian» saiysy Qazaqstan territoriiasynda alǵash ret Armiia halyqaralyq oiyndary aiasynda ótkizilip jatyr. Negizi bul «Meridian» saiysy úsh kezeńnen turady. birinshi kezeńi atys sheberi dep atalady. Bul kezeńde bizdiń saiyskerler Agra-74 komandalyq atysý praktikalyq deńgeilerin kórsetedi. Ekinshi kezeńi «Azimýt» dep atalady. Bul konkýrsanttar orman ishinde ózderiniń oryndaryn, azimýttaryn tabý boiynsha jáne kompaspen saiysqa túsedi. Úshinshi kezeń topografiialyq oq atý dep atalady. Bul saiysta konkýrsanttar basqa eldiń topografiialyq bólimshelerimen arnaiy maqsattaǵy geodeziialyq jumystardy oryndai otyryp, jolaqtardan ótedi de, saiysqa túsedi.
Biyl bul saiystyń byltyrǵy Resei territoriiasynda ótkizgen saiysqa qaraǵanda erekshelikteri «Azimýt» kezeńinde mysaly bizdiń saiyskerler orman ishinde kez kelgen obektilerdiń ara qashyqtyǵyn dúrbimen ólsheý boiynsha saiysqa túsedi. Jáne topografiialyq saiysta onyń uzyndyǵy byltyrǵyǵa qaraǵanda 600 metrden 1800 metrge ulǵaitylǵan. Iaǵni úsh ese ulǵaitylǵan, úsh ese qiyndatylǵan bolyp esepteledi. Ishindegi kedergi jolaqtary da eki ese kóbeitilgen. Negizgi aiyrmashylyqtary osyndai bolyp esepteledi. Onyń ishinde kóptegen taǵy da arnaiy maqsattaǵy jumystar qosylǵan. Pazl dep atalatyn taǵy bir saiys bar. Sol topografiialyq oiynnyń ishinde ózderiniń jasaityn jumystary boiynsha pazldy jinaý kezinde bólshektegen topografiialyq kartalardan ártúrli obektilerdiń koordinatalaryn anyqtaý kerek. Ýaqytqa kim tez jinap úlgerip jáne koordinatalaryn anyqtap úlgerse, sol jeńimpaz bolyp esepteledi. Negizgi aiyrmashylyqtary osyndai», – deidi Qazaqstan Respýblikasy Qarýly kúshteri Bas shtaby, Geoaqparattyq qamtamasyz etý departamenti bastyǵynyń orynbasary, polkovnik Shaiahmet Ashyrov.
Onyń aitýynsha, qazaqstandyq áskeriler osy saiysqa aqpan aiynan bastap daiyndalyp jatyr. Irikteý jumysy sol ýaqyttan beri júrip jatyr.
«Negizi irikteýdi biz aldymen áskeri ishinara ótkizip alǵan bolatynbyz. Birinshi kezeńde áskeri bólimder arasynda, ekinshi kezeńde áskeri óńirlik qolbasshylyqtar arasynda, odan keiin áskerlerdiń túrleri boiynsha sol qolbasshylyqtardyń Bas qolbasshylarynyń arasynda ótkizgen bolatyn. Aqyr aiaǵynda tórtinshi qazir eń myqty degen toǵyz jigit iriktelip alyndy. Qazir olardyń daiyndyqtary óte joǵary jaýyngerlik deńgeide. Jaýyngerlik rýhy óte biik. Sondyqtan olardyń osyndai daiyndyqtaryn kóre tura olardyń instrýktýrlary, daiyndyǵy óte joǵary bolyp esepteledi. Sol daiyndyqtaryna baǵa bere kele, negizi bizdiń jigitter kók bairaǵymyzdy tek qana biikten kórsetedi dep senemin.
Eger tájiribelik shyńdaýyna keletin bolsaq, mundai saiystar, ótkizilip jatqan konkýrstar, halyqaralyq armiialyq oiyndar aiasynda ótkizilip jatqan olardyń tájiribe almasýyna, biliktiligin shyńdaýyna óte joǵary áserin tigizedi. Atap ótetin bolsaq, osy «Meridian» saiysy aiasynda ótkizilip jatqan jattyǵýlar, mysaly olardyń atys praktikasy óte joǵary, ekinshi jaǵynan dene shynyqtyrýy fizikalyq deńgeide óte joǵary deńgeide. Sondyqtan olardyń tájiribe biliktiligi anaǵurlym joǵarylady dep esepteimin. Ekinshiden konkýrs bastalǵan kezde basqa eldiń ofitser topograftarymen tájiribe almasýy da kóp septigin tigizedi dep esepteimin. Óitkeni basqa elderdiń aldyńǵy dárejedegi barlyq jumystardy oryndaýdaǵy tájiribeler bizge de kómegin tigizedi. Sondyqtan mundai konkýrstar jyl saiyn ótkizilip turatyn bolsa, bizdiń jigitter sondai konkýrstarǵa qatysyp turatyn bolsa, olardyń tájiribesin joǵary deńgeige kóterýge oń septigin tigizedi dep esepteimin», – deidi polkovnik Shaiahmet Ashyrov.
Aita keteiik, Qazaqstandy eseptemegende biyl bul saiysqa ótinish berip, qatysýǵa daiyn otyrǵan segiz memleket bar. Bul byltyrǵy jylǵa qaraǵanda qatysýshy memleketterdiń sany elý paiyzǵa ulǵaiyp otyr. Atap aitqanda, Belarýs Respýblikasy, Ózbekstan, Qytai, Vetnam, Iran, Egipet, Armeniia jáne Resei Federatsiiasynan saiyskerler keledi dep kútilýde.
