Vengriialyq kásipqoi boksshy Gabor Gorbich (24-11, 14 KO) Daniiar Eleýsinovtiń jekpe-jeginiń videosyn kórip, qorqyp qalǵanyn moiyndady, - dep habarlaidy Vesti.kz.
Aita keteiik, Daniiar Eleýsinov pen Gabor Gorbich arasyndaǵy jekpe-jek Kardiffte ótedi. Astana ýaqyty boiynsha ol tamyzdyń 4-nen 5-ne qaraǵan túni saǵat 00.30-da bastalady. Bastapqyda Eleýsinov Gorbichpen maýsymda kezdesý kerek bolǵan, biraq sol kezde vengriialyq boksshy jaraqat alyp qalǵan edi.
Gorbichtiń aitýynsha, ringke shyqpas buryn ony qorqynysh sezimi bileidi. Vengriialyq boksshy qazaqstandyqpen jekpe-jekte bir ǵana múmkindigi bar dep esepteidi eken.
"Jekpe-jek ýaqyty jaqyndap keledi, men biraz ózimdi jaman sezinip turmyn. Daniiardyń stilin tek kásibi turǵydan emes, áýesqoi boksta júrgen kezine deiin zerttemekshi boldym. Sebebi kásipqoi bokstan tek eki jekpe-jegi bolǵan. (kúledi) Bilesiz ba, ol meni kishkene qorqytyp jiberdi. Ol shapshań ári talantty jáne qarsylasyn tez oqidy. Sonysy qorqytty.
Ol meniń stilimdi zerttep alsa, maǵan ony jeńý úshin jaqsylap tyrysý kerek. Jekpe-jekterdiń sanyna qaramastan, bul jigittiń bolashaǵy zor dep oilaimyn. Men árdaiym qarsylastaryma syilastyqpen qaraimyn, al Daniiarmen bul ońai, sebebi onyń áýesqoi boksta júrgen kezi buǵan dálel", - deidi Gorbich.
"Jattyǵý kezinde tek bir nárseni oiladym, ol ózimniń stilimdi qoldaný. Sebebi men buryndary klassikalyq sovet boks mektebinen ótken bosshylarmen kezdestim. Mundailarmen meniń bir ǵana múmkindigim bar - ózińniń erejeń boiynsha kúresip, múmkindikti jiberip almaý. Fizikalyq daiyndyq pen jekpe-jekke durys oimen barýǵa kóp ýaqyt jumsadym. Oǵan jaqyn júretin bolamyn jáne joǵary direjede qarsylyq kórsetemin dep úmittenemin", - dedi Gorbich.
Eske sala keteik, Eleýsinovtiń kásibi bokstaǵy kezdesýi 28 sáýirde Niý-Iorkte ótti. Úsh raýnd ishinde amerikalyq Noa Kiddany (3-1-1, 2 KO) esinen tandyrǵan bolatyn. Al ekinshi jekpe-jegin qazaqstandyq boksshy Londonda ótkizdi. Ol kezde biraýyzdan Zoltana Shabony (24-12, 10 KO) jeńgen edi. Aita keteiik, qazaqstandyq sportshynyń múddelerin Britandyq promoýter Eddi Hernniń Matchroom kompaniiasy qorǵaidy.
