Elordada 37 jastaǵy azamat aldyn ala daiyndalǵan stsenarii boiynsha valiýta aiyrbastaý pýnktinen 12 mln teńge urlady, dep habarlaidy "Ult aqparat".
«Nur-Sultan qalalyq Politsiia departamentiniń kriminaldyq politsiia qyzmetkerleri valiýta aiyrbastaý pýnktine urlyqqa túsken elordanyń buǵan deiin sotty bolǵan 37 jastaǵy turǵynyn izin sýytpai ustady», - delingen departament aqparatynda.
Politsieilerdiń málimetine qaraǵanda, ol urlyqqa tyńǵylyqty daiyndyqpen barǵan. Dittegen oiyn júzege asyrý úshin óz kóliginiń memlekettik tirkeý nómirin buǵan deiin urlap alǵan basqa nómirmen aýystyrǵan. Sodan keiin bet-júzin tumshalap, dúken men aiyrbastaý pýnkti ornalasqan ǵimaratqa kóshe jaq betindegi esiginiń qulpyn buzý arqyly kirgen. Qozǵalys datchikterin isten shyǵarý úshin olar ornalasqan jerge deiin eńbektep jetken. Beinebaqylaý kamerasynyń obektivin jaýyp qoiǵannan keiin ol aiyrbastaý pýnktine esh kedergisiz kirgen.
«Seifti buzyp, ishinen jalpy somasy 12 mln teńge bolatyn ártúrli valiýtalardy urlap ketken. Degenmen, saqtyqtyń barlyq sharalaryn qoldanǵanymen, oiy júzege aspady. Iz kesýshilerdiń tynymsyz jumystarynyń nátijesinde qaskói izi sýymai qolǵa tústi. Ol urlanǵan qarajattyń jartysyn jumsap úlgergen eken. Ustalǵan azamat tutqyndalyp, Nur-Sultan qalalyq PD ýaqytsha oqshaýlaǵyshyna qamaldy. QR QK 188-baby boiynsha sotqa deiingi tergeý júrgizilip jatyr. Elorda aýmaǵynda jasalǵan dál osyndai qylmystarǵa qatysy tekserilýde», - dep atap ótedi vedomstvodan.
