ەلوردادا 37 جاستاعى ازامات الدىن الا دايىندالعان ستسەناريي بويىنشا ۆاليۋتا ايىرباستاۋ پۋنكتٸنەن 12 ملن تەڭگە ۇرلادى, دەپ حابارلايدى "ۇلت اقپارات".
«نۇر-سۇلتان قالالىق پوليتسييا دەپارتامەنتٸنٸڭ كريمينالدىق پوليتسييا قىزمەتكەرلەرٸ ۆاليۋتا ايىرباستاۋ پۋنكتٸنە ۇرلىققا تٷسكەن ەلوردانىڭ بۇعان دەيٸن سوتتى بولعان 37 جاستاعى تۇرعىنىن ٸزٸن سۋىتپاي ۇستادى», - دەلٸنگەن دەپارتامەنت اقپاراتىندا.
پوليتسيەيلەردٸڭ مەلٸمەتٸنە قاراعاندا, ول ۇرلىققا تىڭعىلىقتى دايىندىقپەن بارعان. دٸتتەگەن ويىن جٷزەگە اسىرۋ ٷشٸن ٶز كٶلٸگٸنٸڭ مەملەكەتتٸك تٸركەۋ نٶمٸرٸن بۇعان دەيٸن ۇرلاپ العان باسقا نٶمٸرمەن اۋىستىرعان. سودان كەيٸن بەت-جٷزٸن تۇمشالاپ, دٷكەن مەن ايىرباستاۋ پۋنكتٸ ورنالاسقان عيماراتقا كٶشە جاق بەتٸندەگٸ ەسٸگٸنٸڭ قۇلپىن بۇزۋ ارقىلى كٸرگەن. قوزعالىس داتچيكتەرٸن ٸستەن شىعارۋ ٷشٸن ولار ورنالاسقان جەرگە دەيٸن ەڭبەكتەپ جەتكەن. بەينەباقىلاۋ كامەراسىنىڭ وبەكتيۆٸن جاۋىپ قويعاننان كەيٸن ول ايىرباستاۋ پۋنكتٸنە ەش كەدەرگٸسٸز كٸرگەن.
«سەيفتٸ بۇزىپ, ٸشٸنەن جالپى سوماسى 12 ملن تەڭگە بولاتىن ەرتٷرلٸ ۆاليۋتالاردى ۇرلاپ كەتكەن. دەگەنمەن, ساقتىقتىڭ بارلىق شارالارىن قولدانعانىمەن, ويى جٷزەگە اسپادى. ٸز كەسۋشٸلەردٸڭ تىنىمسىز جۇمىستارىنىڭ نەتيجەسٸندە قاسكٶي ٸزٸ سۋىماي قولعا تٷستٸ. ول ۇرلانعان قاراجاتتىڭ جارتىسىن جۇمساپ ٷلگەرگەن ەكەن. ۇستالعان ازامات تۇتقىندالىپ, نۇر-سۇلتان قالالىق پد ۋاقىتشا وقشاۋلاعىشىنا قامالدى. قر قك 188-بابى بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. ەلوردا اۋماعىندا جاسالعان دەل وسىنداي قىلمىستارعا قاتىسى تەكسەرٸلۋدە», - دەپ اتاپ ٶتەدٸ ۆەدومستۆودان.
