Foto: elements.envato.com
Syrtqy ister ministrligi Vengriiada joǵalyp ketken 27 jastaǵy qazaqstandyq Qanatbek Ótebek qamaýda otyrǵanyn habarlady, - dep habarlaidy Tengrinews.kz agenttigi.
"Jaǵdaidy anyqtadyq. Ol Vengriiada qamaýǵa alynǵan. Politsiia ony zańsyz migranttardy tasymaldady dep aiyptap otyr. Iaǵni, ol 1,5 ai buryn Qazaqstanda Shengen vizasyn alyp, Eýropa elderiniń birine ushyp kelip, bir aptadan keiin Shyǵys Eýropa aýmaǵynda bolǵan, onyń ishinde Serbiia, Vengriia, Chehiiada jáne osy baǵyt boiynsha zańsyz migranttardy tasymaldaǵan", - dedi SIM resmi ókili Aibek Smadiiarov.
Syrtqy ister ministrligi málimetinshe, qazaqstandyq bastapqyda qandai jumysqa bara jatqanyn bilgen.
"Bul - óte aýyr aiyptaý. Sondyqtan men Eýropaǵa jumysqa baratyn azamattarymyzǵa taǵy da júginemin: muqiiat zertteńiz, eldiń zańdaryn bilmeý jaýapkershilikten bosatpaidy. Bul jigitke advokat taptyq, ol jumys istep jatyr. Týystary barlyǵyn biledi. Meniń oiymsha, tergeý budan ári ne bolatynyn anyqtaidy", - dedi Smadiiarov.
Eske salaiyq, Vengriiada 27 jastaǵy shymkenttik belgisiz jaǵdaida joǵalyp ketkeni habarlanǵan bolatyn. Sońǵy ret ony týystary Instagram jelisinde qazaqstandyq blogerdiń tikelei efirinen kórgen.
